ފިތުރު އީދުގެ މުނާސަބަތުގައި ދިރާގުން ވަރަށް ހާއްސަ ޕްރޮމޯޝަނެއް މިއަދު ތައާރަފްކޮށްފިއެވެ.

މި ޕްރޮމޯޝަންގެ ދަށުން ދިރާގު ކަސްޓަމަރުންނަށް އެ ފަރާތްތަކުގެ ގާތް މީހުންނަށް އީދު ހަދިޔާގެ ގޮތުގައި ހިލޭ ޑޭޓާ ފޮނުވައިގެން، އަގުހުރި އިނާމުތަކެއް ހާސިލުކުރުމުގެ ފުރުސަތު ވަނީ ހުޅުވާލާފައެވެ.

މި ޕްރޮމޯޝަނަކީ މިދިޔަ ރަމަޟާން މަހު ދިރާގުން ކުރިއަށް ގެންދިޔަ މަގުބޫލު "ކާށި ބިނުން" ޕްރޮމޯޝަނަށް ލިބުނު ބޮޑު ތަރުހީބާ ގުޅިގެން، އެ ހަރަކާތުގެ އިތުރު ބައެއްގެ ގޮތުގައި ކުރިއަށް ގެންދާ ހާއްސަ ހަރަކާތެކެވެ. އީދު ދުވަހުން ފެށިގެން ކަސްޓަމަރުންނަށް އެ ފަރާތްތަކުގެ އާއިލީ މެންބަރުން ނުވަތަ ރައްޓެހިންގެ ތެރެއިން ފަސް މީހަކަށް އީދު ހަދިޔާގެ ގޮތުގައި ހިލޭ ޑޭޓާ ފޮނުވޭނެއެވެ. މި ހަދިޔާތައް ދިރާގު އެޕް މެދުވެރިކޮށް މާރިޗު 20 އިން 26 ގެ ނިޔަލަށް ފޮނުވުމުގެ ފުރުސަތު އޮންނާނެއެވެ.

މި ޕްރޮމޯޝަންގެ ދަށުން ޕްރިޕެއިޑް ކަސްޓަމަރުންނަށް ހަދިޔާއެއްގެ ގޮތުގައި އެއް އަހަރު ދުވަހުގެ މުއްދަތަށް، ކޮންމެ މަހަކު އެއް ޖީބީ ޑޭޓާ މުޅިން ހިލޭ ލިބިގެންދާނެއެވެ. މިގޮތަށް ލިބޭ ޑޭޓާ 24 ގަޑިއިރަށް ބޭނުންކުރެވޭނެ ކަމަށް ދިރާގުން މައުލޫމާތުދެއެވެ.

އީދު ހަދިޔާ ފޮނުވުމުގެ އިތުރުން، މި ޕްރޮމޯޝަން މެދުވެރިކޮށް ގިނަ އަދަދެއްގެ ރަން ޓިކެޓު ހޯދުމުގެ ފުރުސަތުވެސް ވަނީ ހުޅުވާލާފައެވެ. ހަދިޔާ ފޮނުވައިގެން ބިންނަ ކޮންމެ ކާށްޓަކަށް، ހަދިޔާ ފޮނުވާ ފަރާތަށާއި ލިބޭ ފަރާތަށް ވެސް ފަސް ރަން ޓިކެޓް ލިބޭނެއެވެ. އަދި ފަސް ކާށި ބިނދެގެން "ރަން ކާށްޓެއް" ބިނދެލުމުން 50 ރަން ޓިކެޓް ހާސިލްކުރެވޭނެއެވެ. މި ޓިކެޓުތަކާއެކު ގުރުއަތުގައި ބައިވެރިވެގެން އަގުހުރި އިނާމުތައް ހޯދުމުގެ ފުރުސަތު ބޮޑުވެގެންދާނެއެވެ. 

- އެޕަލް މެކްބުކް ނިއޯ

- ނެސްޕްރެސޯ ސިޓިޒް ކޮފީ މެޝިނެއް، ކޮފީ ޕޮޑްސްއާއެކު

- ސޮނީ ޒީވީ-އ10ީ ޑީއެސްއެލްއާރް ކެމެރާ

- އެމެޒޯން އެލެކްސާ އެކޯ ޑޮޓް (ފިފްތު ޖެން)

- އެޕަލް އެއަރޕޮޑް މެކްސް

- ޓީޓީ ރޭސިންގް އެއަރ ފްލެކްސް ގޮނޑި

- ޓީޓީ ރޭސިންގް ސްމާޓް ޑެސްކް

ދިރާގުން ބުނީ މިފަދަ ޕްރޮމޯޝަންތަކުގެ މައިގަނޑު މަގްސަދަކީ އެކި މުނާސަބަތުތަކާ ގުޅުވައިގެން ކަސްޓަމަރުން އެކަކު އަނެކަކާ ގުޅުވައިދީ، އެއްބައިވަންތަކަން އިތުރުކުރުމަށް އެހީތެރިވެދިނުން ކަމަށެވެ. ދިރާގުން އަބަދުވެސް މަސައްކަތް ކުރަމުންދަނީ ކަސްޓަމަރުންނަށް ފައިދާހުރި އަދި އުފާވެރި ތަޖުރިބާތަކެއް ފޯރުކޮށްދިނުމަށެވެ.