ކުރިއަށް އޮތް ލޯކަލް ކައުންސިލް އިންތިޚާބުގައި ކ. ހިންމަފުށީ ކައުންސިލުގެ މެންބަރު ކަމަށް މިނިވަން ކެންޑިޑޭޓެއްގެ ގޮތުގައި ވާދަކުރައްވާން ސުޒޭން ހަލީލް ނިންމަވައިފިއެވެ.

ހިންމަފުށީ، ނައިޓްމޫން ސުޒޭން ޚަލީލް ވަނީ އެކަން އޭނާގެ ސޯޝަލް މީޑިއާގެ ރަސްމީ އެކައުންޓުތަކުންވެސް އިޢުލާނުކުރައްވާފައެވެ.

Advertisement

"މި މުހިންމު މަޤާމަށް ކުރިމަތިލުމުގައި ހިންމަފުށީގެ ލޮބުވެތި ރައްޔިތުންގެ ތާޢީދާއި އެހީތެރިކަމަކީ އަޅުގަނޑަށް ލިބޭނެ ނުހަނު ބޮޑު ހިތްވަރެއް" އޭނާ ވިދާޅުވެފައިވެއެވެ.

ސުޒޭން އިތުރަށް ވިދާޅުވެފައިވަނީ ރަށުގެ އެންމެހާ ބޭފުޅުންގެ ވޯޓާއި ތާޢީދު ދެއްވުންއެދި އިޚްލާޞްތެރިކަމާއެކު ދަންނަވާކަމަށެވެ. ވާގި އެދެނީ މާތް ﷲގެ ހަޟްރަތުން ކަމަށެވެ. 

ލޯކަލް ކައުންސިލް އިންތިޚާބު ބޭއްވުމަށް ނިންމާފައިވަނީ 2026 ވަނަ އަހަރުގެ އޭޕްރީލް މަހުގެ ހަތަރުވަނަ ދުވަހުގައެވެ.