ދިވެހިންގެ މި މުޖުތަމައުގެ މިސްރާބު މިއަދު ހުރީ އެކަކުވެސް ބާކީ ނުކުރާ މަގަށް ކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.

އެކަމަނާ މިހެން ވިދާޅުވީ އެޗްޑީސީން ޚާއްސަ އެހީއަށް ބޭނުންވާ މީހުންނަށް ވަޒީފާގެ ފުރުޞަތު ފަހިކޮށްދީ، އެކަމުގެ ލިޔުން ހަވާލުކުރުމުގެ ރަސްމިއްޔާތު ޝަރަފްވެރިކޮށްދެއްވައި އެ ރަސްމިއްޔާތުގައިި ވާހަކަފުޅު ދައްކަވަމުންނެވެ.

Advertisement

ސާޖިދާ ވިދާޅުވީ، މި މުހިންމު އަމާޒަށް ދިވެހި ޤައުމަށް ވާސިލްވެވުނީ ޚާއްސަ އެހީއަށް ބޭނުންވާ މީހުންނަށް އަދުގެ ސަރުކާރުން ބައްލަވާ އިހްސާންތެރި ނަޒަރުގެ ސަބަބުންކަމަށެވެ.

މީގެއިތުރުން މި ސަރުކާރުން ރައީސް ޑރ. މުޙައްމަދު މުޢިއްޒު ޚާއްސަ އެހީއަށް ބޭނުންވާ މީހުންނަށް ދެއްވާފައި ވަނީ ވަރަށް ޚާއްސަ އިސްކަމެއްކަމަށާއި، މިއީ އެ މީހުންނަށް މުޅި ދިރިއުޅުމަށް ވަރަށް ބޮޑު ހެޔޮ ބަދަލަކާއި ހިތްހަމަޖެހުމެއް ގެނެސްދޭނެކަމެއްގެ ގޮތުގައި ރައީސްގެ އަނބިކަނބަލުން ވަނީ ފާހަގަކުރައްވާފައެވެ.

 ވަޒީފާ ލިބިގެންދިޔަ ފަރާތްތަކުގެ ތެރޭގައި އެކި ބާވަތުގެ ތައުލީމު ލިބިފައިވާ އެކި ހުނަރަށް އަހުލުވެރިވެފައިވާ އެތައް ފަރާތްތަކެއް ތިބިކަން ވަނީ ސާޖިދާ ވަނީ ފާހަގަކުރައްވާފައެވެ.

 އެޗްޑީސީން ޚާއްސަ އެހީއަށް ބޭނުންވާ 30 މީހަކަށް ވަޒީފާގެ ފުރުޞަތު ފަހިކޮށްދީފައިވެއެވެ.

އެގޮތުން އެޗްޑީސީގެ މުވައްޒަފުންނަށް ހުރިހައި މުއާމަލާތަކުންވެސް އަލަށް ވަޒީފާއަށް ހޮވުނު ޚާއްސަ އެހީއަށް ބޭނުންވާ ފަރާތްތަކަށް އުފާވެރިކަމާއި އުންމީދާއި ހިތްވަރު ހޯދަވައިދެއްވުމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވަނީ ގޮވާލައްވާފައެވެ.