މުޅި ރާއްޖޭގައި ޑުރަގާ ދެކޮޅު ބޮޑު އޮޕަރޭޝަނެއް ހިންގުމަށް ފުލުހުންނަށް އަންގައިފިން: ރައީސް މުޢިއްޒު

500 އަށްވުރެ ގިނަ ފުލުހުން ހިމެނޭހެން މުޅި ރާއްޖޭގައި ޑުރަގާ ދެކޮޅު ބޮޑު އޮޕަރޭޝަނެއް ހިންގުމަށް އަންގާފައިވާނެކަމުގައި ރައީސުލްޖުމްހޫރިއްޔާ ޑރ. މުޙައްމަދު އަންގަވައިފިއެވެ.

Advertisement

ރައީސް މިކަން ހާމަކުރެއްވީ ދެންމެ ކުރެއްވި ޕޯސްޓެއްގައެވެ.

އެ ޕޯސްޓްގައި ރައީސް ވިދާޅުވެފައިވަނީ ދިވެހިރާއްޖެއަކީ ޑްރަގްގެ ވަބާއިން އެއްކޮށް ސަލާމަތްވެފައިވާ ޤައުމަކަށް ހެދުމަށް ސަރުކާރުން މިދަނީ ގިނަ މަސައްކަތްތަކެއް ކުރަމުން އަންނަ ކަމަށާއި މިގޮތުން ޑްރަގުގެ ވިޔަފާރީގަ ބައިވެރިވާ ފަރާތްތަކާއި ދެކޮޅަށް ޙާއްސަ ކޮށްގެން މިއަދު އޮޕަރޭޝަނެއް ހިންގުމަށް ފުލުހުންނަށް އަންގާފައިވާނެކަމަށެވެ.

އެއްވަގުތެއްގައި ރާއްޖޭގެ 100 އަށްވުރެ ގިނަ ތަންތަން ބަލާ ފާސްކުރެވޭ މިއޮޕަރޭޝަނުގައި 500 އަށްވުރެ ގިނަ ފުލުހުން ބައިވެރިވާނެ ކަމުގައިވެސް ރައީސް ވިދާޅުވެފައިވެއެވެ.