އަންނަ އަހަރަށް ލަފާކޮށް ސަރުކާރުން މިއަދު ހުށަހެޅި ބަޖެޓަކީ މި ހިނގާ 2025 ވަނަ އަހަރަށްވުރެ ކުޑަ ބަޖެޓެއް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސް މިހެން ވިދާޅުވީ މިއަދު ހުށަހެޅި ބަޖެޓާއި ގުޅޭގޮތުން ކުރެއްވި ޕޯސްޓެއްގައެވެ.

Advertisement

"ބަޖެޓުގައި ހިމަނާފައިވާ 9.3 ބިލިޔަން ރުފިޔާގެ ސުކޫކާއި ބޮންޑު އަނބުރާ ދެއްކުމުގެ ޚަރަދާނުލާ 2026 ވަނަ އަހަރުގެ ބަޖެޓަކީ 55 ބިލިއަން ރުފިޔާ" ރައީސް ވިދާޅުވެފައިވެއެވެ.

ރައީސް އެ ވިދާޅުވި ޢަދަދު ހިމަނާނަމަ މިއަދު ހުށަހެޅި ބަޖެޓަކީ 64.2 ބިލިއަން ރުފިޔާގެ ބަޖެޓެކެވެ.

ބަޖެޓު ހުށަހަޅުއްވަމުން މާލީ ވަޒީރު މޫސާ ޒަމީރުވެސް އެކަން ފާހަގަކުރެއްވިއެވެ.  

ވަޒީރުވެސް ވިދާޅުވީ މި ސަރުކާރަށް ވާރުތަވި ސުކޫކާއި ބޮންޑު އަނބުރާ ދެއްކުމުގެ ޚަރަދު ނުލައި މިއީ މި ހިނގާ 2025 ވަނަ އަހަރަށް ވުރެ ކުޑަ ބަޖެޓެއް ކަމަށެވެ.