ބޯކޮށް ވާރޭވެހި ބިންގަނޑު ކަހާލުމުގެ ހާދިސާތަކެއްގައި އިންޑިއާގެ ވެސްޓް ބެންގާލްގެ ޑާޖެލިންގައި 18 މީހަކު މަރުވެ އެތައް ބަޔަކު ގެއްލިއްޖެއެވެ.

މީޑިއާ ރިޕޯޓްތައް ބުނާގޮތުގައި އެ ސަރަހައްދުގައި ބޯކޮށް ވާރޭވެހި ބައެއް ހިނގަމުން އަންނަ މި ހާދިސާތަކުގައި ބައެއް ގެތައް ވެއްޓި، ބްރިޖުތައް ވެއްޓި، މަގުތަކާއި ސައިފަތް ދަނޑުތައް ހަލާކުވުމުގެ ހާދިސާތައް އަންނަނީ ހިނގަމުންނެވެ.

Advertisement

މީހުން ސަލާމަތް ކުރުމުގެ މަސައްކަތްކުރާ ފަރާތްތަކަށް އެންމެ ބޮޑު އެއް ގޮންޖެހުމެއް ކުރިމަތިވެފައިވަނީ އެންމެ ބޮޑަށް އަސަރުކޮށްފައިވާ އެއް ސަރަހައްދަށް ފަސޭހައިން ދެވޭނޭހެން ހަދާފައިވާ ބްރިޖު ވެއްޓިފައިވުމެވެ.

ކުރިއަށް އޮތް 24 ގަޑިއިރުވެސް އެ ސަރަހައްދަށް ބޯކޮށް ވާރޭވެހޭނެ ކަމަށް ލަފާކޮށްފައިވާއިރު ހާލަތު އިތުރަށް ގޯސްވެ އިތުރު ބަޔަކު ދުނިޔެ ދޫކުރުމުގެ ބިރު ބޮޑުކަމަށް ލަފާކޮށްފައިވެއެވެ.