އަވަށްޓެރި އިންޑިއާގައި 75 އަހަރުގެ މީހެއްގެ މަރާއިމެދު ޢާއިލާއިން ސުވާލު އުފައްދައިފިއެވެ.

ކުރިން ކައިވެންޏެއް ކުރި ނަމަވެސް ދަރިއަކު ނެތް އަދި އަނބިމީހާވެސް މަރުވެފައިވާ ސަންގްރޫ ރާމް މިދިޔަ ހޯމަ ދުވަހު ކައިވެނި ކުރީ ކުރިން ކައިވެންޏެއް ރޫޅި ދެ ދަރިން ލިބިފައިވާ މަންބަވަތީއާއެވެ.

Advertisement

އުއްތަރު ޕްރަދޭޝްގެ ޖޯންޕޫރުގައި ހިނގި މި ހާދިސާގައި އެ އަންހެން މީހާ ބުނެފައިވަނީ ކައިވެނީ ގެ ފުރަތަމަ ރޭ ވަރަށް ދަން ވަންދެން ދެމީހުން ވާހަކަ ދައްކަން ތިބި ކަމަށާއި އެއަށްފަހު އަނެއް ދުވަހު ސަންގްރޫ ރާމްގެ ހާލަތު ގޯސްވުމުން ހޮސްޕިޓަލަށް ދިޔައީ ކަމަށެވެ. މަރުވީ ފަރުވާދެމުންދަނިކޮށް ކަމަށެވެ.

ނަމަވެސް މަންބަވަތީގެ ވާހަކަ ސަންގްރޫ ރާމްގެ ޢާއިލާއިން ގަބޫލެއް ނުކުރެއެވެ. ދަނޑުވެރިކަމުގައި އުޅޭ، ކޮންމެވެސް ވަރަކަށް ތަނަވަސްކަންވެސް ހޯދާފައިވާ ސަންގްރޫރާމްގެ މަރުގައި މަންބަވަތީގެ އަތެއް އޮންނާނެ ކަމަށް ބަލައި ސަންގްރޫ ރާމްގެ ޢާއިލާއިން ވަނީ އެ މައްސަލަ ޕޮލިހަށް ހުށަހަޅާފައެވެ.