ވ. ފުލިދޫ ފަޅު ސަރަހައްދަށް ގިނަ އަދަދަކަށް ކަޅުތެޔޮ ޖަމާވަމުން އެބަ ދެއެވެ.

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ދެންމެ ބުނެފައިވަނީ ވ. ފުލިދޫ ފަޅުތެރެއަށާއި ގޮނޑުދޮށަށް ގިނަ އަދަދެއްގެ ކަޅުތެޔޮ ފެތުރިފައިވާތީ، އެ ސަރަހައްދު ކަނޑަށް އިތުރަށް ކަޅުތެޔޮ އެޅިފައިވޭތޯ ބެލުމަށް އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންގެ އުޅަނދު "ހަލަވެލި" ހަރަކާތްތެރިވަމުން އަންނަ ކަމަށެވެ.

Advertisement

ދުވަހަށް މަޢުލޫމާތުދެއްވަމުން ފުލިދޫ ކައުންސިލް ރައީސް މުޙައްމަދު އިމްތިޔާޒް ވިދާޅުވީ ރަށުގެ ގޮނޑުދޮށަށްވެސް ގިނަ އަދަދަކަށް ކަޅުތެޔޮ ޖަމާވަމުންދާތީ އެމްޓީސީސީގެ ހައިމާކެއް ބޭނުންކޮށްގެން ކަޅުތެޔޮ އެއްގަންކޮށް ވަޅުލެވޭތޯ މަސައްކަތް ކުރަމުން އަންނަ ކަމަށެވެ.

އޭނާ އިތުރަށް ވިދާޅުވީ އެ ތެޔޮތަކަކީ އަލިހުރަސް ކަނޑަށް އެޅިގެން ނޫނީ ބަޔަކު އަޅައިގެން ފުލިދުއާ ދިމާއަށް އަންނަ ތެޔޮ ކަމަށް ބެލެވޭ ކަމަށާއި ކައިރީގައި އޮންނަ ކޮކޯގިރި ރިސޯޓު ސަރަހައްދުންވެސް ކަޅުތެޔޮ އަސަރު ފެނިފައިވާކަމުގެ މަޢުލޫމާތު ލިބިފައިވާކަމަށެވެ.