މާދަމާ ފެށުމަށް ހަމަޖެހިފައިވާ އަލިބަބާ އޮންލައިން ވޯކްޝޮޕްގައި މިހާތަނަށް 450 މީހަކު ބައިވެރިވެފައިވާކަން އިކޮނޮމިކް މިނިސްޓަރު މުހައްމަދު ސައީދު އިއުލާނުކުރައްވައިފިއެވެ.

މިކަން ހާމަކުރައްވަމުން ވަޒީރު ސައީދު ވިދާޅުވީ އެ 450 އެއްހާ މީހުންގެ ތެރޭގައި އޮންލައިން ޕްލެޓްފޯމްތަކާއި އަލަށް ވިޔަފާރި ފަށާ ފަރާތްތަކާއި ލޮޖިސްޓިކްސް ހިދުމަތްދޭ ފަރާތްތަކާއި ޕޯސްޓަލް ސާވިސަސް ތަކާއި ބޭންކުތަކުގެ އިތުރުން ފްރެއިޓް ކުންފުނިތައްވެސް ހިމެނޭ ކަމަށެވެ.

Advertisement

ބިޒްނަސް ސެންޓަރ ކޯޕަރޭޝަނުން ބޭންކް އޮފް މޯލްޑިވްސް އާއި އުރީދޫ މޯލްޑިވްސްގެ ބައިވެރިވުމާއެކު މާދަމާ ކުރިއަށްގެންދާ އަލިބަބާ އޮންލައިން ވޯކްޝޮޕަކީ އެ ވޯކްޝޮޕްގައި އަލިބަބާ އެކައުންޓް ހަދާނެ ގޮތާއި އެކައުންޓް މެނޭޖް ކުރާނެ ގޮތާއި ބީޓުސީ (ބިޒްނަސް ޓު ކަސްޓަމަރސް) އަދި ބީޓުބީ (ބިޒްނަސް ޓު ބިޒްނަސް) ތަކެތި ވިއްކާނެ ގޮތުގެ ތަފްސީލު ދަސްކޮށްދޭނެ ވޯކްޝޮޕެކެވެ.

އަލިބަބާގައި ދިވެހީންނަށް ތަކެތި ވިއްކޭނެ މަގު ފަހިކޮށްދިނުމުގެ މަސައްކަތް ފެށިގެން ކުރިއަށްމިދަނީ

2030 ވަނަ އަހަރުގެ ނިޔަލަށް ކްރިއޭޓިވް އިކޮނޮމީއިން ދިވެހިރާއްޖޭގެ އިކޮނޮމީއަށް ޖީޑީޕީއިން ހިއްސާކުރާ މިންވަރު 15 ޕަސެންޓަށް ހެދުމަށް ރައީސް ވެ ވަޑައިގެންފައިވާ ވައުދުގެ ދަށުން ކަމުގައި އިކޮނޮމިކް މިނިސްޓްރީން ބުނެއެވެ.