ހުޅުމާލޭ ވޯޓަރ ތީމް ޕާކު ހަދަން ދޫކޮށްފައިވާ ސަރަހައްދުގައި މަރުވެފައި އޮއްވާ ފެނުނީ ބިދޭސީއެއްކަން ކަށަވަރު ކުރެވިފައިވާކަމަށް ފުލުހުން ބުނެފިއެވެ.

މިކަން ހާމަކޮށް ރޭގައި ފުލުހުން ބުނެފައިވަނީ ނިޔާވެފައި އޮއްވާ ފެނިފައިވަނީ މި މަހުގެ 21 ވަނަ ދުވަހުން ފެށިގެން ގެއްލިގެން ހޯދަމުންދިޔަ ނޭޕާލަށް ނިސްބަތްވާ އުމުރުން 29 އަހަރުގެ ރުޕަން ތާޕާ މަގަރް ކަން ފޮރެންސިކް ތަހުލީލުތަކުން ކަށަވަރު ކުރެވިފައިވާކަމަށެވެ.

Advertisement

"މިހާތަނަށް ބެލި ބެލުމުން ރުޕަން ތާޕާ މަގަރް ނިޔާވުމުގައި ތުހުމަތު ކުރެވޭ އެއްވެސް ކަމެއް ފާހަގަ ކުރެވިފައެއް ނުވޭ" ފުލުހުން ބުނެފައިވެއެވެ.

އެ ސަރަހައްދުން މީހެއްގެ ހަށިގަނޑު ފެނުނީ ހޯމަ ދުވަހު އިރު އޮއްސުނު ހާއިރުގައެވެ. ފެނުނު އިރު ހަށިގަނޑު ޑީކޮމްޕޯޒްވެފައި އޮތުމުން މީހާ ދެނެގަތުމުގައި އޭރު ދަތިވިކަމަށް ކުރިން ފުލުހުން ބުނެފައިވެއެވެ.