ކޮވިޑުގައި ދ. އަތޮޅުން މީހަކު މަރުވެއްޖެ

ކޮވިޑް19 ގައި ދ. އަތޮޅުން މީހަކު މަރުވެއްޖެއެވެ.

ހެލްތު އެމަޖެންސީ އޮޕަރޭޝަންސް ސެންޓަރުން ބުނެފައިވަނީ އެމީހާ ދ. އަތޮޅު ހޮސްޕިޓަލަށް ގެންދިޔައީ ރޭ 7:30 ހާއިރު ކަމަށެވެ.

އެމީހާ މަރުވީ ރޭ 9:30 ހާއިރު އެވެ.

އެޗްއީއޯސީން ބުނީ މަރުވީ އުމުރުން 60 އަހަރުގެ ދިވެހި ފިރިހެނެއް ކަމަށެވެ.

މިއީ ރާއްޖޭގައި ކޯވިޑުގައި މަރުވި 38 ވަނަ މީހާއެވެ.

އެމީހާ އެ ހޮސްޕިޓަލަށް ގެންދިޔައީ ކަނޑިންމަ ރިސޯޓުންނެވެ.