ލަންކާ އިން ކޯވިޑް ޖެހިގެން ފުރަތަމަ ފަހަރަށް މީހަކު މަރުވެއްޖެ

ސްރީލަންކާއިން ކޮރޯނާ ވައިރަސް (ކޯވިޑް-19) ޖެހިގެން ފުރަތަމަ ފަހަރަށް މީހަކު މަރުވެއްޖެ އެވެ.

މިހާރު ދުނިޔޭގައި ހަލުވިކަމާ އެކު ފެތުރެމުންދާ ކޯވިޑް-19 ޖެހިގެން މަރުވެފައިވަނީ ލަންކާގެ އައި.ޑީ.އެޗްގެ އައިސީޔޫގައި ފަރުވާދެމުން ދިޔަ އުމުރުން 60 އަހަރު މީހެކެވެ.

އެ ގައުމުގެ ކޯވިޑް-19 ގެ ޓާސްކްފޯހުން ބުނި ގޮތުގައި މަރުވި މީހާ އަކީ މީގެ ކުރިން ކިޑްނީ ބަދަލުކޮށްފައިވާ މީހެކެވެ. އަދި މިކަމާއި ގުޅިގެން އޭނާ ދަޔައީ ދިގު މުއްދަތަކަށް ބޭސް ކުރަމުންނެވެ.

އޭނާ ކޯވިޑް-19 އަށް ޕޮޒިޓިވް ވެފައިވަނީ ނިމިދިޔަ ފެބްރުއަރީ މަހުގެ 12 ވަނަ ދުވަހުއެވެ.

ލަންކާއިން ކޯވިޑް-19 އާއި ދެކޮޅައް ވަރުގަދަ ފިޔަވަޅުތަކެއް އަޅަމުން އަންނަ އިރު އެ ގައުމުން މި ބައްޔަށް ޕޮޒިޓިވްވެފައިވާ 113 މީހަކު ވަނީ ފެނިފައެވެ. ލަންކާގައި ވަނީ އިޖްތިމާއީ ގައިދުރުކަން އިތުރު ކުރުމަށް މުއްދަތެއް ނެތް ގޮތަށް ކާފިއު އިއުލާނުކޮށްފައި އެވެ.