ރާއްޖޭގެ ދެ ސަރަހައްދަކަށް ޔެލޯ އެލާޓް

މޫސުން ވަރަށް ގޯސްވާނެ ކަމަށް ލަފާކޮށް ބ އަތޮޅުން ފެށިގެން މ އަތޮޅާއި ދެމެދުގެ ރަށްތަކަށް އަދި ހުވަދު އަތޮޅުގެ ރަށްތަކަށް ޔެލޯ އެލާޓް ނެރެފިއެވެ.

މޫސުމާއިބެހޭ ގައުމީ އިދާރާއިން މި އެލާޓް ނެފައިވަނީ މިއަދު ހެނދުނު 09:20ގައެވެ.

މެޓް އޮފީހުން ނެރެފައިވާ އެ އެލާޓްގައި ބުނެފައިވަނީ މިއަދު ހެނދުނު 09:30 އިން މެންދުރު 01:00 އާއި ދެމެދުގެ ވަގުތުތަކުގައި ބ އަތޮޅާއި މ އަތޮޅާއި ދެމެދުގެ ރަށްތަކަށް އަދި ހުވަދުއަތޮޅޫގެ ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާކަމަށެވެ.

އަދި ޔެލޯ އެލާޓް ނެރެފައިވާ ސަރަހައްދުތަކަށް އެ ވަގުތުތަކުގައި ގަޑިއަކު 50 މޭލަށް ވައި ގަދަވުން އެކަށީގެންވާކަމުގައިވެސް މެޓް އޮފީހުން ނެރެފައިވާ ޔެލޯ އެލާޓްގައި ބުނެފައިވެއެވެ.