ޖަލުތަކުގައި ކޮވިޑު ކޭސްތަކުގެ އަދަދު 53 އަށް އަރައިފިއެވެ.
މި އަދަދު 53 އަށް އަރާފައިވާއިރު ކަރެކްޝަންސުން މިއަދު ހާމަކޮށްފައިވާގޮތުގައި ޕޮޒިޓިވް ކޭސްތައް އެންމެ ގިނައީ މާލެ ޖަލުގައެވެ.
އެގޮތުން މާލެ ޖަލުގައި ތިން އޮފިސަރުން/މުވައްޒަފުން ޕޮޒިޓިވް ވެފައި ވާއިރު 20 ގައިދީން/ބަންދު މީހުން ޕޮޒިޓިވް ވެފައިވެއެވެ.
ދެން އެންމެ ގިނައީ މާފުށި ޖަލުގައެވެ. މާފުށި ޖަލުގައި އޮފިސަރުން/މުވައްޒަފުން 17 މީހަކު ޕޮޒިޓިވް ވެފައިވެއެވެ. ގައިދީއަކު އެ ޖަލުން ޕޮޒިޓިވް ވެފައެއް ނުވެއެވެ.
އައްސޭރި ޖަލުން އޮފިސަރުން/މުވައްޒަފުން 12 މީހަކު ޕޮޒިޓިވް ވެފައިވާއިރު ހުޅުމާލެ ޖަލުން އޮފިސަރުން/މުވައްޒަފުން އެކަކު ޕޮޒިޓިވް ކަމަށް ކަރެކްޝަންސުން ބުނެއެވެ.
ޖުމްލަ އަދަދު ތަކަށް ބަލާލާއިރު 33 އޮފިސަރުން/މުވައްޒަފުން ޕޮޒިޓިވް ވެފައިވާއިރު 22 ގައިދީން/ބަންދު މީހުން ޕޮޒިޓިވް ވެފައިވެއެވެ.
ކަރަންޓީނުގައި 105 އޮފިސަރުން/މުވައްޒަފުން ތިބިއިރު 22 ގައިދީން/ބަންދު މީހުން ކަރަންޓީނުގައި ތިބި ކަމަށްވެސް ކަރެކްޝަންސުން ބުނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް