ކޯވިޑް-19ގެ މި ހާލަތުގައި ޑިރެކްޓަރ ޖެނެރަލް އޮފް ޕަބްލިކް ހެލްތު، އިއުލާނުކޮށްފައިވާ ރަށު ބަންދު ހާލަތާ ހިލާފުވި ދެމީހަކު ނ. މާޅެންދޫން ހައްޔަރުކޮށްފިއެވެ.
ހައްޔަރުކޮށްފައިވަނީ 37 އަހަރުގެ މީހަކާއި 29 އަހަރުގެ މީހެކެވެ. އެއީ ދިވެހި ދެ ފިރިހެނެކެވެ.
ފުލުހުން ބުނެފައިވާގޮތުގައި އެ ދެމީހުން ވަނީ ރޭ 12:53 ހާއިރު ނ. މާޅެންދޫ ޓާސްކްފޯހަށް ނޭނގި ކުޑަ ދޯންޏެއްގައި އެ އަތޮޅު ކެނދިކުޅުދޫއަށް ގޮސްފައެވެ. އެ ދަތުރު ކުރީ ދޯނީގެ ވެރިފަރާތުގެ ހުއްދައަކާ ނުލާކަމަށްވެސް ބުނެފައިވެއެވެ.
އިތުރަށް ބުނެފައިވަނީ އެމީހުން ހައްޔަރުކުރީ އެނބުރި މާޅެންދުއަށް ދިއުމުން މާޅެންދޫން ކަމަށެވެ. މި ދެމީހުން ހައްޔަރުކޮށްފައިވަނީ ކުށުގެ ވެށިން ކަމުގައިވެސް ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް