މަސްވެރިކަން ކުރަމުންދިޔަ ދޯންޏެއްގެ ވަތަށް ވެއްޓި އަނިވި ފަޅުވެރިޔަކު ހޮސްޕިޓަލަށް ގެންދިއުމުގެ މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ކޯސްޓްގާޑުން އެހީތެރިކަން ފޯރުކޮށްދީފިއެވެ.
އެމްއެންޑީއެފުން ބުނެފައިވާގޮތުގައި މިއަދު 01:45 ހާއިރު ހިނގި މި ހާދިސާގައި އަނިޔާ ލިބިފައިވަނީ ނޫރު ނަމަކަށް ކިޔާ ދޯންޏެއްގެ ފަޅުވެރިއަކަށެވެ. އޭރު
އެ ދޯނި މަސްވެރިކަން ކުރަމުންދިޔައީ ލ. ފަރެސް ކަނދުފަތި ކައިރީގައި ކަމަށް ބުނެފައިވެއެވެ. އަދި އަނިޔާވެފައިވަނީ ފަޅުވެރިޔާގެ ފަޔަށް ކަމަށާއި އެމްއެންޑީއެފް ސެންޓްރަލް އޭރިއާގެ ކޯސްޓްގާޑް ސްކޮޑްރަންގެ އެހީތެރިކަމާއެކު އަވަސް ފަރުވާއަށް، ހަވީރު 4:05 ހާއިރު އޭނާ ގެންދެވުނީ ލ. ގަމު ރީޖަނަލް ހޮސްޕިޓަލަށް ކަމުގައިވެސް އެމްއެންޑީއެފުން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް