ޔުއެފާ ޗެންޕިއަންސް ލީގުގެ 2 ވަނަ ބުރުގެ ފުރަތަމަ ލެގުގައި މޮންޗެންގްލަޑްބެކްއާ ދެކޮޅަށް އެ ކްލަބްގެ ދަނޑުގައި ކުޅުނު މެޗު 2-0 އިން ކާމިޔާބުކޮށް، މެންޗެސްޓާ ސިޓީން ކުއާޓާ ފައިނަލްއާ ގާތަށް ޖެހިލައިފިއެވެ. ޕްރިމިއާ ލީގުގައި ވެސް ވަރަށް ރަނގަޅު ފޯމެއްގައި އޮތް މެންޗެސްޓާ ސިޓީން ރޭގެ މެޗުގައި މޮޅު ކުޅުމެއް ދެއްކިއިރު، ދެ ވަނަ ލެގު އޮންނާނީ އެ ކްލަބްގެ އަމިއްލަ ދަނޑުގައެވެ.
މެންޗެސްޓާ ސިޓީން ކޮންމެ ހާފަކު ލަނޑެއް ޖެހިއިރު، އެ ދެ ލަނޑުގައި ވެސް ސިޓީގެ ފުލްބެކް ކެންސެލޯގެ ދައުރު ބޮޑެވެ. ކުރިން ޔުވެންޓަސްއަށް ކުޅުނު ކެންސެލޯއަށް ގާޑިއޯލާ ދީފައިވާ "ފްރީ ރޯލް" އާއެކު އޭނާގެ ފަރާތުން ރޭގައި ފެނުނީ މޮޅު ކުޅުމެކެވެ. މި ފަހަކަށް އަހިސް އޭނާ އަންނަނީ ތަފާތު ކުޅުމެއް ދައްކަމުންނެވެ.
???? Involved in both first-leg goals, João Cancelo takes the prize after another impressive Manchester City display ????
— UEFA Champions League (@ChampionsLeague) February 24, 2021
???? You can vote for the full-back to win the Player of the Week crown ahead of the other three candidates when the poll opens...#UCLPOTM | #UCL pic.twitter.com/Wbn5MChqlv
ފުރަތަމަ ހާފުގެ 29 ވަނަ މިނިޓުގައި ކެންސެލޯ ވާއަތް ފަރާތުން ގްލަޑްބެކްގެ އޭރިޔާ ތެރެއަށް ހުރަސްކޮށްލި ބޯޅައިން ލަނޑު ކާމިޔާބު ކުރީ ބާނާޑޯ ސިލްވާ އެވެ.
ދެ ވަނަ ހާފުގައި ކެންސެލޯ ހުރަސްކޮށްލި ހިތްގައިމު ބޯޅައެއް ހިފައިގެން އަރާ ބާނާޑޯ ސިލްވާ ގަބްރިއެލް ޖީސުސްއަށް ދިނުމުން އޭނާ ވަނީ ސިޓީއަށް ދެ ވަނަ ލަނޑު ކާމިޔާބު ކޮށްދީފައެވެ.
މި ކާމިޔާބީއާއެކު ސިޓީން ވަނީ ހުރިހާ މުބާރާތަކުން އެ ޓީމުން އެންމެ ފަހުން ވާދަކުރި 19 މެޗު ވެސް ކާމިޔާބު ކޮށްފައެވެ.
12 - Manchester City have won their 12th consecutive away match in all competitions, breaking the record run for an English top-flight side, which was previously set by Man City themselves in November 2017. Crusade. pic.twitter.com/ts1FiLBQ0m
— OptaJoe (@OptaJoe) February 24, 2021
ފާއިތުވި ސީޒަންގެ ޗެމްޕިއަންސް ލީގުގެ ކުއާޓާ ފައިނަލުން ލިޔޯން އަތުން ބަލިވެ، މުބާރާތާ ވަކިވާން ޖެހުން ހަނދާނުން ފުހެލައި، ސިޓީން އަމާޒު ހިފާފައިވަނީ ޕްރިމިއާ ލީގާއި ޗެމްޕިއަންސް ލީގު މި ސީޒަންގައި ކާމިޔާބު ކުރުމަށެވެ. ސިޓީ މި ވަގުތު ޕްރިމިއާ ލީގުގެ ތާވަލުގެ 1 ވަނައިގައި އޮތީ 10 ޕޮއިންޓްގެ ލީޑަކާއެކުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް