ގުޅީފަޅު ބޭރުގައި ބަނދަރުކޮށްފައި އޮތް ބޯޓެއްގައި އަނިޔާވި ބިދޭސީއަކަށް ކޯސްޓްގާޑުން އެހީތެރިކަން ފޯރުކޮށްދީފިއެވެ.
މީޑިއާތަކަށް މައުލޫމާތުދެއްވަމުން އެމްއެންޑީއެފުން ބުނީ "ވިކްޓޯރިއާ 267" ބޯޓުން ބިދޭސީއަކު ވެއްޓި ބޯފަޅައިގެންގޮސްގެން ސިއްހީ އަވަސްފަރުވާއަށް އެހީތެރިކަން ފޯރުކޮށްދީފައިވާނެކަމަށެވެ.
އެގޮތުން 11:15 ހާއިރު މި މައުލޫމާތު ލިބުމުން، މާލޭ އޭރިއާ ކޯސްޓްގާޑު ސްކޮޑްރަންގެ އެހީތެރިކަމާއެކު މިއަދު 12:10 ހާއިރު އެމީހާ އައިޖީއެމް ހޮސްޕިޓަލަށް ގެނެސްދީފައިވާނެކަމަށްވެސް އެމްއެންޑީއެފުން ބުނެއެވެ.
އައިޖީއެމް ހޮސްޕިޓަލުގެ ބަހެއް ލިބިފައިނުވާތީ އެމީހާގެ ހާލު ސާފުވާގޮތް ވަނީ ނުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް