ކޮވިޑް-19 ޖެހިގެން ރާއްޖެ އިން 72 އަހަރުގެ ދިވެއްސަކު ނިޔާވެއްޖެއެވެ.
ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ) އިން ބުނީ މިއަދު އިރުއޮއްސި 6:36 ގައި އައިޖީއެމްއެޗްގެ އެމަޖަންސީ ރޫމަށް ގެންދިޔަ އުމުރުން 72 އަހަރުގެ ދިވެހި ފިރިހެނަކު، ހޮސްޕިޓަލަށް ގެންދިޔައިރު އެއްވެސް ހަރަކާތެއް ނުކުރާ ކަމަށާއި، ނިޔާވެފައިވާ ކަމަށެވެ.
އެމީހާ ކޮވިޑް-19 އަށް ޓެސްޓު ކުރުމުން ނަތީޖާ ފައްސި ވެފައިވާ ކަމަށާއި މިއީ ރާއްޖެއިން މިބަލީގައި ނިޔާވި 45 ވަނަ މީހާ ކަމަށް ވެސް އެޗްއީއޯސީން މައުލޫމާތު ދީފައިވެއެވެ.
މިރޭ ނިޔާވި މީހާ އަކީ މިއީ ކޮވިޑް-19 ޖެހިގެން ފާއިތުވި 11 ދުވަސް ތެރޭގައި ރާއްޖޭގައި ނިޔާވި 7 ވަނަ މީހާއެވެ.
ކޮވިޑް-19 ގައި ރާއްޖެއިން ނިޔާވާ ގިނަ މީހުންނަކީ ދިގު މުއްދަތަކަށް ބޭސްފަރުވާ ކުރަމުން އަންނަ މީހުން ކަމަށް އެޗްޕީއޭއިން ވިދާޅުވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް