ކޮވިޑާއި ގުޅިގެން ކާފިއު ހިންގާ ވަގުތަށް ބަދަލުގެނެސްފިއެވެ.
އެގޮތުން ހެލްތު ޕްރޮޓެކްޝަން އޭޖެންސީން މިރޭ ނެރެފައިވާ އެންގުމުގައި ބުނެފައިވަނީ މާލެ ސަރަހައްދުގައި ރޭގަނޑު 11 އިން ފަތިހު ހަތަރަކަށް އެއްގަމު އުޅަނދު ދުއްވުމާއި މީހުނު ނުކުތުން މަނާ ކަމަށެވެ. ކުރިން އޮތީ ރޭގަނޑު 10 އިން ފަތިހު ފަހަކަށެވެ.
މީގެ އިތުރުން މާލެ ސަރަހައްދުގައި ހިންގާ ހޮޓާ، ކެފޭ، ރެސްޓޯރެންޓްފަދަ ތަންތަން ރޭގަނޑު 10:30 އިން ފަތިހު 4:30 އަށް ހިދުމަތް ދީގެން ނުވާނެ ކަމަށް ބުނެފައިވެއެވެ. ކުރިން އޮތީ 09:30 ގައި ބަންދު ކުރަން ޖެހޭނެ ކަމަށެވެ.
ނަމަވެސް ފިހާރަތައް ހުޅުވާ ލައްޕާ ވަގުތުތަކަށް ބަދަލެއް ގެނެސްފައެއް ނުވެއެވެ.
ކޮވިޑު ހުއްޓުވުމަށް އަޅާފައިވާ ފިޔަވަޅުތަކަށް ލުއިތަކެއް ދެމުން އަންނައިރު، އަދަދުތައްވެސް މިހާރު ހުރީ ދެ އަދަދުގައި ހިފެހެއްޓިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް