މާލެއިން ކޯވިޑް-19 އަށް ޕޮޒިޓިވްވި ދެވަނަ ފަރާތަކީ ކުޑަކުއްޖެއް ކަމަށް އެޗްޕީއޭއިން ބުނެފިއެވެ.
އެޗްޕީއޭއިން މިކަން ހާމަކޮށްފައިވާއިރު ބައެއް މީޑިއާތަކުގައި ރިޕޯޓްކޮށްފައިވާގޮތުގައި އެ ކުޑަކުއްޖާއަކީ މިއަދު މާލެއިން ޕޮޒިޓިވްވި މީހާގެ ދަރިފުޅެވެ. އެއީ ދެ އަހަރު ނުވާ ކުޑަކުއްޖެއް ކަމަށްވެސް ރިޕޯޓްކޮށްފައިވެއެވެ.
އެޗްޕީއޭއިން ބުނެފައިވަނީ މިއަދު ޕޮޒިޓިވްވި މީހާއާއި ޑައިރެކްޓް ކޮންޓެކްޓްވި 11 މީހެއްގެ ސާމްޕަލްގެ ނަތީޖާ ލިބިފައިވާއިރު ޕޮޒިޓިވް ވެފައިވަނީ އެއް ާމްޕަލް ކަމަށެވެ. 10 ސާމްޕަލް ނެގަޓިވް ކަމަށެވެ.
މިއަދު ޕޮޒިޓިވްވި މީހާއަކީ ޓްރެވަލް ހިސްޓްރީއެއް ނެތް އަދި ކުރިން ޕޮޒިޓިވްވި ފަރާތަކާ ޑައިރެކްޓް ކޮންޓެކްޓެއްވެސް ވެފައިނެތް މީހެއް ކަމަށް އެޗްޕީއޭއިން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް