ކޯވިޑް-19ގެ މި ހާލަތުގައި ދަރިވަރުންނަށް ތައުލީމު ފޯރުކޮށްދިނުމަށް އެޑިއުކޭޝަން މިނިސްޓްރީން ކުރިއަށްގެންދިޔަ ޓެލިކިލާސްތައް މެދުކަނޑާލައިފިއެވެ.
އެގޮތުން އެ މިނިސްޓްރީން ކޮށްފައިވާ ޓްވީޓެއްގައި ބުނެފައިވަނީ މިއަދުގެ މެންދުރުފަހު 3:30ގެ ފަހުންފެށިގެން 24 ގަޑިއިރުގެ މުއްދައްތަކަށް މާލެ ސަރަހައްދު ފުރަބަންދުކުރުމާއި ގުޅިގެން މާދަމާއިން ފެށިގެން ވަކި ގޮތެއް އަންގަންދެން ޓެލިކިލާސްތައް މެދުކަނޑާލެވިފައިވާ ވާހަކަ މަޢުލޫމާތަށްޓަކައި ދަންނަވާކަމަށެވެ.
https://twitter.com/MoEdumv/status/1250470229630582785
މާލެ ސަރަހައްދުގައި މިއަދު ލޮކްޑައުން އިއުލާނުކުރީ ކޯވިޑް-19 އަށް މާލެއިން މީހަކު ޕޮޒިޓިވް ވުމުންނެވެ. ޕޮޒިޓިވްވި އެ މީހާއަކީ ޓްރެވަލް ހިސްޓްރީއެއް ނެތް އަދި ކުރިން ޕޮޒިޓިވްވެފައިވާ މީހަކާ ކޮންޓެކްޓްވެސް ވެފައިނެތް މީހެއް ކަމުގައި އެޗްޕީއޭއިން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް