ފޯނު އުފެއްދުމުގައި އެޕަލް އާއި ސެމްސަންގާއި ވާދަކުރަމުން އަންނަ ޗައިނާގެ "ޓެކް ޖަޔަންޓް" ޝޯމީ އިން ޓްރާންސްޕޭރެންޓް ޓީވީއެއް އުފައްދައިފިއެވެ.
"އެމްއައި ޓީވީ ލަކްސް" ޓްރާންޕޭރެންޓް އެޑިޝަންގެ ނަމުގައި މި ޓީވީ ނެރެފައިވަނީ ޝޯމީ ކުންފުންޏަށް 10 އަހަރު ފުރުމުގެ މުނާސަބަތުގައެވެ.
މި ޓީވީ އަންނަ އާދީއްތަ ދުވަހު ވިއްކަން ފަށާއިރު މި ޓީވީގެ އަގަކީ 49999 ޗައިނީސް ޔުއާން (ގާތްގަނޑަކަށް އެއް ލައްކަ ދިވެހި ރުފިޔާ) އެވެ.
މިއީ ޓީވީ އިންޑަސްޓްރީއަށް އިންގިލާބެއް ގެނުވާނެ އުފެއްދުމެއް ކަމުގައި ބެލެވެއެވެ. ނަމަވެސް މިއީ އުފެއްދި މިފަދަ އެންމެ ފުރަތަމަ ޓީވީއެއް ނޫނެވެ. ނަމަވެސް މިހާ "ލާޖް ސްކޭލެއްގައި" މިފަދަ ޓީވިއެއް އުފެއްދި މިއީ ފުރަތަމަ ފަހަރެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް