ރާއްޖާގައި މި ވަގުތު ތިބި އިންޑިއާ ސިފައިން އަދަދު ހާމަ ނުކުރާނަމަ މުޒާހަރާއަށް ނިކުންނަން ޖެހިދާނެ ކަމުގައި އަލްހާން ފަހްމީ ވިދާޅުވެއްޖެއެވެ.
ގައުމީ ދިފާއީބާރުގެ ރަސްމީ ޓްވިޓާ ހޭންޑަލް ޓެގް ކުރައްވައި އަލްހާން ވިދާޅުވެފައިވަނީ ދިވެހި ރާއްޖޭގައި އިންޑިއާ އަސްކަރީން ތިބި ސަބަބަކާއި، އެމީހުންގެ އަދަދު އެނގުމަކީ ދިވެހި ރައްޔިތުންގެ އޮތް ހައްގެއް ކަމަށެވެ.
"ސަރުކާރުން އެކަން ހާމަ ކުރަން ދެކޮޅު ހަދާނަމަ އެކަން ސާފުކުރަން، އެ ތަފްސީލް ހޯދަން މަގުމައްޗަށް މުޒާހަރާއަށް ނުކުންނަން ޖެހިދާނެ" އަލްހާންގެ އެ ޓްވީޓްގައި ވިދާޅުވެފައިވެއެވެ.
https://twitter.com/AlhanFahmy/status/1315207363465338880
އަލްހާން މިހެން ވިދާޅުވެފައިވާއިރު ރާއްޖޭގައި އިންޑިއާ ސިފައިން ތިބި އަދަދާއި އެ މީހުން ތިބުމަށް ދައުލަތުން ކުރާ ހަރަދުތަކުގެ މައުލޫމާތު ދިނުމަށް ޑިފެންސް މިނިސްޓްރީން ވަނީ ދެކޮޅު ހަދާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް