މާލެ ސަރަހައްދުގައި އިއުލާނުކޮށްފައިވާ ފުރަބަންދަށް ކުރިއަށް އޮތް ތިން ދުވަހަށް (މިމަހުގެ 15 އާއި ހަމައަށް) އިތުރު ލުއިތަކެއް ދިނުމަށް ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ނިންމަވައި، އެ ނިންމުންތައް ހާމަކުރައްވައިފިއެވެ.
މިފަހަރު ދީފައިވާ ލުއިތަކަކީ
01- ޒަރޫރީ ބޭނުންތަކަށް ބޭރަށް ނުކުތުމަށް ދޫކުރެވޭ ހުއްދަތައް ދިނުން އިތުރު ކުރުން
02- އުމުރުން 60 އަހަރުން މަތީގެ ފަރާތްތަކަށް އެހީތެރިއަކު ބޭނުންވާނަމަ އެމީހަކާއެކު ހުއްދަ ލިބިގެން ފަތިހު 05:00 އާއި ހެނދުނު 08:00 އާއި ދެމެދު ތިން ގަޑިއިރަށް ބޭރަށް ނިކުމެ އުޅުން
03- މީހުން، އެއްތަނުން އަނެއް ތަނަށް ގެންދިއުމަށް ޓެކްސީތަކަށް ހުއްދަ ދިނުން އިތުރުކުރުން
04- މާލެއާއި ތިލަފުއްޓާ ދެމެދު މުދާ އުފުލުމަށް ދަތުރުކުރުމުގެ ހުއްދަދިނުން އިތުރުކުރުން
05- ހުއްދަ ލިބިގެން ސިނާސީ މަސައްކަތްކުރާ ތަންތަނުގައި މަސައްކަތްކުރާ މުވައްޒަފުން އެ މަސައްކަތެއް ކުރުމަށް ކަނޑައެޅިފައިވާ ތަންކަށް ދިއުމާއި، އެމީހން ދިރިއުޅޭ ތަންތަނަށް އެނބުރި އައުން
06- މިނިސްޓްރީ އޮފް އިކޮނޮމިކް ޑިވެލޮޕްމަންޓުން ކަނޑައަޅާފައިވާ ގޮތުގެ މަތިން، ފިހާރަތަކާއި އަމިއްލަ އޮފީސްތައް ހުޅުވުން
07- ކޮންސްޓްރަކްޝަން މަސައްކަތްތައް، މާލޭ ސިޓީ ކައުންސިލާއި ހައުސިންގ ޑިވެލޮޕްމަންޓް ކޯޕަރޭޝަނުން ކަނޑައަޅާގޮތެއްގެ މަތިން އެ ފަރާތްތަކަށް ހުއްދަ ލިބިގެން ކުރިއަށް ގެންދިއުން
07- ބޭންކުން ކަނޑައަޅާ އުސޫލުގެ ދަށުން ބޭންކުތަކުގެ ހިދުމަތް ދިނުން އިތުރުކުރުން
08- ސިއްހީ ހިދުމަތާއި އެހެނިހެން އާންމު ހިދުމަތްތައް ދިނުން އިތުރުކުރުން
ތަފްސީލް އަންނަނީ...
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް