އެމްޑީޕީގެ ރައީސް، ރައީސް މުހައްމަދު ނަޝީދު މިއަދު ނޫސްވެރިންނާ ބައްދަލުކުރައްވަން ނިންމަވައިފިއެވެ.
އެގޮތުން އެމްޑީޕީން ބުނެފައިވަނީ ރައީސް ނަޝީދު ދެއްވާ، ނޫސްވެރިންގެ ބައްދަލުވުމެއް މިއަދު މެންދުރު 2:30 ގައި އެމްޑީޕީގެ އޮފީހުގައި އޮންނާނެ ކަމަށެވެ.
ރައީސް ނަޝީދު ނޫސްވެރިންނާ ބައްދަލުކުރައްވަން ނިންމަވާފައިވާއިރު އެމްޑީޕީއަށް މިވަނީ ލޯކަލް ކައުންސިލް އިންތިހާބެއްގައި ކުރިމަތިނުވާފަދަ ބަލިވުންތަކަކާއި ކުރިމަތިލާން ޖެހިފައެވެ. އެގޮތުން އެންމެ ފާހަގަކުރެވެނީ މާލޭ ސިޓީގެ މޭޔަރު ކަމާއި ސިޓީ ކައުންސިލްގެ ގިނަ ގޮނޑިތަކެއް ގެއްލުމެވެ. އަދި އައްޑޫ ސިޓީ ކައުންސިލްގެ ސާފު މެޖޯރިޓީވެސް ގެއްލުމެވެ. އެހެން ނަމަވެސް އަތޮޅުތަކާއި ރަށްތަކަށް ވަކިން ބަލާނަމަ އެމްޑީޕީ އުޅެނީ ކުރީގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް