ކުޅުދުއްފުށީ ސިޓީ ޕޮލިސް ސްޓޭޝަންގައި މަސައްކަތް ކުރާ ފުލުހުންގެ ތެރެއިން ކޯވިޑް-19 އަށް ޕޮސިޓިވްވި މީހާ އާއި ގުޅުން ހުރި 10 މީހަކު ޕޮސިޓިވްވެފައިވާ ކަމަށް ހެލްތް އެމަޖެންސީ އޮޕަރޭޝަން ސެންޓަރުން ބުނެފި އެވެ.
އެޗްއީއޯސީގެ ތަރުަމާނު ޑރ. ފާތިމަތު ނަޒްލާ ރަފީގު ވިދާޅުވީ ޕޮސިޓިވްވެފައިވަނީ އޭނާ އާއި ޑައިރެކްޓު ކޮންޓެކްޓުވި މީހުންގެ ތެރެއިން ސާމްޕަލް ނަގައި ޓެސްޓު ކުރި މީހުންގެ ތެރެއިން 10 މީހުން ކަމަށެވެ. އޭގެ ތެރެއިން އަށް މީހަކު ޕޮސިޓިވްވީ މިމަހުގެ އަށް ވަނަ ދުވަހު އެވެ.
އަދި ހއ. ދިއްދޫއިން ހަތަރު މީހުންނާއި ށ. ފޯކައިދޫން އެކަކު ޕޮސިޓިވްވެފައިވާ ކަމަށެވެ. މި މީހުންނަނަކީ ފުލުސް މީހާ އުތުރުގެ ތިން އަތޮޅުގެ ޕޮލިސް ސްޓޭޝަންއަށް ދަތުރު ކުރުމުގެ ތެރޭގައި ކޮންޓެކްޓުވެފައިވާ މީހުންނެވެ.
ފުލުސް މީހާ ޕޮސިޓިވްވުމާއި އެކު އެމީހާ ދަތުރު ކުރި ހަ ރަށެއް ވަގުތީގޮތުން މޮނިޓަރިންއަށް ލިޔެ ވެ. އޭގެ ތެރޭގައި ހިމެމެނީ ހއ. ދިއްދޫ، ހޯރަފުށި، ބާރަށް، ހދ ކުނބުންދޫ، ކުޅުދުއްފުށި އަދި ށ. ފުނަދޫ އެވެ.
ފުލުހުންގެ އާ ކްލަސްޓާއެއް އުފެދިފައިވާއިރު، ލ. ކައްދޫއަށް ޓްރެއިނިންއަށް ދިޔަ ސިފައިންގެ 58 މީހަކު ވަނީ މި މަހުގެ ތެރޭގައި ޕޮސިޓިވްވެފައި އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް