މިރޭ ކޮވިޑްގެ ދެވަނަ މަރު، ކެންސަރަށް ފަރުވާ ހޯދަމުންދިޔަ ފަރާތެއް

މިރޭ ކޯވިޑްގައި ދެވަނަ މީހަކުވެސް މަރުވެއްޖެއެވެ.

ހެލްތު އެމަޖެންސީ އޮޕަރޭޝަންސް ސެންޓަރުން ބުނެފައިވާގޮތުގައި މިރޭ 08:15 ހާއިރު ކުޅުދުއްފުށި ރީޖަނަލް ހޮސްޕިޓަލުގައި މަރުވެފައިވަނީ ހއ. ކެލާއަށް ނިސްބަތްވާ އުމުރުން 58 އަހަރުގެ ދިވެހި ފިރިހެނެކެވެ.

މިމީހާއަކީ ކެންސަރަށް ފަރުވާ ހޯދަމުންދިޔަ މީހެއް ކަމަށް އެޗްއީއޯސީން ބުނެއެވެ. އަދި މި މީހާ އަކީ ކޯވިޑް-19ގައި ރާއްޖެއިން މަރުވި 31 ވަނަ މީހާ ކަމުގައިވެސް އެޗްއީއޯސީން ބުނެއެވެ.

މިރޭ އިރާކޮޅު އުމުރުން 60 އަހަރުގެ ފިރިހެނަކުވެސް ކޯވިޑުގައި މަރުވެފައިވެއެވެ. އިރާކޮޅު މަރުވެފައިވަނީ ހުޅުމާލެ އައިސީޔޫގައި ފަރުވާ ހޯދަމުންދިޔަ މީހެކެވެ. އެއީ ކޯވިޑްގެ 30 ވަނަ މަރެވެ.