ކިއުބާއަށް ހަނޑޫ ފޮނުވަން ފެށުމުގެ ރަސްމިއްޔާތުގެ ތެރެއިން --
ކިއުބާއަށް ދިމާވެފައިވާ ކާބޯތަކެތީގެ ތަދުކަމަށް އެހީތެރިވުމުގެ ގޮތުން، މި އަހަރު ކުރީކޮޅު ފާސްކުރި ކުއްލި އެހީގެ ޕެކޭޖެއްގެ ދަށުން ޗައިނާއިން 60،000 ޓަނުގެ ހަނޑޫ އެ ޤައުމަށް ފޮނުވައިފިއެވެ.
ރިޕޯޓުތައް ބުނާގޮތުގައި ގާތްގަނޑަކަށް 11 މިލިއަން މީހުންގެ އާބާދީއެއް އޮންނަ ކިއުބާއަށް މި ހަނޑޫއިން އެއް މަހަށް ވުރެ ގިނަ ދުވަހަށް ފުދޭނެ އެވެ. އޭޝިއާ ސަރަޙައްދުން ބޭރުގައި ބޮލަކަށް ޖެހޭ ހަނޑޫ ބޭނުންކުރާ މިންވަރު އެންމެ ބޮޑު ޤައުމުތަކުގެ ތެރޭގައި ކިއުބާ ހިމެނެ އެވެ.
އެ ޤައުމުގައި ހަނޑުލަކީ ކޮންމެ ދުވަހެއްގެ ކެއުމުގައި ހިމެނޭ މައިގަނޑު ބާވަތެކެވެ.
އެހެން ނަމަވެސް ފާއިތުވި އަހަރުތަކުގައި ކިއުބާގެ ދާޚިލީ ހަނޑޫ އުފެއްދުން ބޮޑު ތަނުން ދަށަށް ގޮސް، ބޭރުން އެތެރެކުރުމަށް ބަރޯސާވާ މިންވަރު ވަނީ ވަރަށް ބޮޑަށް އިތުރުވެފައެވެ. އަގުތައް އުފުލުމާއި ވަސީލަތްތައް މަދުވުމާއި ސަޕްލައި ޗެއިންގެ ދަތިތަކުގެ ސަބަބުން ކާބޯތަކެތީގެ ނިޒާމަށް އިތުރު ބާރު ބޮޑުވެ، ބޭރުގެ އެހީއަށް ބޭނުންވާ މިންވަރު ވަނީ އިންތިހާއަށް އިތުރުވެފައެވެ.
ކާބޯތަކެތީގެ އެހީގެ އިތުރުން، ކިއުބާގެ ބައެއް މުހިންމު ވަސީލަތްތަކާއި ހަކަތައިގެ ދާއިރާގެ ދަތިތަކަށް ފައިސާގެ އެހީ ވެސް ޗައިނާއިން ވަނީ ފޯރުކޮށްދީފައެވެ.
ހަމައެހެންމެ އެހެން ޤައުމުތަކުން ވެސް ކާބޯތަކެތީގެ އެހީ ފޯރުކޮށްދީފައިވާއިރު، ކިއުބާގެ މި ޙާލަތާ މެދު ބައިނަލްއަޤުވާމީ ފެންވަރުގައި ކަންބޮޑުވުން އިތުރުވަމުންދާކަން މި އެހީތަކުން ހާމަވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް