ކުރީގެ ރައީސް، ޑރ. މުހައްމަދު ވަހީދު ހަސަން މަނިކު ޕޮލިހަށް ހާޒިރުވާން އަނެއްކާވެސް އަންގައިފިއެވެ.
ދިޔަރެސް ނޫހުގައި ރިޕޯޓްކޮށްފައިވާގޮތުގައި ޑރ.ވަހީދު ފުލުހަށް ހާޒިރު ކުރަނީ އިދިކޮޅު ފަރާތްތަކުން ބޭއްވި ސިޔާސީ ހަރަކާތަކަށްފަހު އެ ހަރަކާތުގެ ބައިވެރިންނާއި މުހާތަބުކޮށް ވާހަކަ ދެއްކެވިއިރު، އެމަނިކުފާނު އަޅުއްވައިގެން ހުންނެވި މާސްކު ތިރިކުރެއްވި މައްސަލައިގައެވެ.
ހާޒިރުވާން އަންގާފައިވަނީ މާދަމާ ހަވީރު 16:00 އަށް ކަމުގައިވެސް އެ ނޫހުގައި ރިޕޯޓް ކޮށްފައިވެއެވެ.
ހަމަ މި މައްސަލައިގާ މީގެ ކުރިންވެސް ޑރ. ވަހީދު ފުލުސް އޮފީހަށް ހާޒިރުކޮށްފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް