މަސްދޯނި މާރާމާރީގައި ޒަހަމްވި ބިދޭސީ އެކަކު މަރުވެއްޖެ

މަސްދޯންޏެއްގައި މިއަދު ދެ ބިދޭސީއަކު ހިންގި މާރާމާރީގައި ޒަހަމްވި އެކަކު މަރުވެއްޖެއެވެ.

މީޑިއާތަކަށް މައުލޫމާތުދެމުން ފުލުހުން ބުނެފައިވަނީ މިއަދު ހިންގި އެ މާރާމާރީގައި އަނިޔާވެގެން ފަރުވާދެމުންދިޔަ މީހާ މިއަދު 11:59ގައި މަރުވެފައިވާކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާކަމަށެވެ.

ފުލުހުން ކުރިން ބުނެފައިވާގޮތުގައި ބިދޭސީންތަކެއް ހިންގި މާރާމާރީއެއްގައި އެކަކަށް ތޫނު އެއްޗަކުން ހަމަލާދީ ޒަހަމްކޮށްލާފައިވާ މައްސަލަ ފުލުހުންނަށް ހުށަހަޅާފައިވަނީ ރޭ ފަތިހު 3:50 ހާއިރު އެވެ.

ޒަހަމްވި މީހާއަށް ފަރުވާ ދީފައިވަނީ ތ. ވޭމަންޑޫ އަތޮޅު ހޮސްޕިޓަލުގައި އެވެ. މާރާމާރީ އާއި ގުޅިގެން 42 އަހަރުގެ ބަންގްލަދޭޝް ފިރިހެނަކު ހައްޔަރު ކޮށްފައިވާ ކަމަށް ފުލުހުން ބުނެފައިވެއެވެ.