ކޯވިޑް-19 އަށް ފަރުވާ ދެމުންދިޔަ އިތުރު ދިވެއްސަކު މިއަދު ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފައިވާގޮތުގައި މިއަދު ފަތިހު 04:35 ހާއިރު ނިޔާވެފައިވަނީ އުމުރުން 80 އަހަރުގެ ދިވެހި ފިރިހެނެކެވެ. އެމީހާ އަކީ ޑީއެޗް 11 ގައި ފަރުވާދެމުންދިޔަ މީހެއް ކަމަށް ހެޗްޕީއޭއިން ބުނެފައިވެއެވެ.
މިއީ ކޯވިޑް-19ގައި ރާއްޖެއިން ނިޔާވި 12 ވަނަ މީހާއެވެ. މިހާތަނަށް ހަތަރު ބިދޭސީއަކާއި އަށް ދިވެއްސަކު މިވަނީ ނިޔާވެފައެވެ. މީގެ ތެރޭގައި ދެ ދެމަފިރިއަކުވެސް ހިމެނެއެވެ.
ކޯވިޑް-19 އާއި ގުޅިގެން މާލެ ސަރަހައްދުގައި ފުރަބަންދު އިއުލާނުކުރި ނަމަވެސް ލުއިތަކެއް ދިނުމަށްފަހު ފުރަބަންދު މިހާރު މިވަނީ އުވާލާފައެވެ. އުވާލި ފަހުން ފާއިތުވި ދެ ދުވަހު ކޭސްތައް އިތުރު ކަމަށް ދައްކާފައިވެއެވެ. އެގޮތުން އިއްޔެ އެކަނިވެސް 33 މީހަކު ރާއްޖެއިން ކޯވިޑް-19 އަށް ޕޮޒިޓިވް ވެފައިވެއެވެ. ރާއްޖެއިން ކޯވިޑް-19 އަށް ޕޮޒިޓިވް ވެފައިވާ ޖުމްލަ އަދަދު މިވަނީ 2486 އަށް އަރާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް