ކޯވިޑް-19 އަށް ފަރުވާ ހޯދަމުންދިޔަ އުމުރުން ދުވަސްވީ ދިވެހި އަންހެނަކު ނިޔާވެއްޖެއެވެ.
ދުވަހަށް މައުލޫމާތުދެއްވަމުން ހެލްތު މިނިސްޓްރީގެ ޑެޕިއުޓީ ޑިރެކްޓަރ ޖެނެރަލް ތަސްލީމާ އުސްމާން ވިދާޅުވީ، އެމީހާ ނިޔާވީ ރޭ ދަންވަރު 01:52 ހާއިރު ކަމަށެވެ.
ދުވަހަށް މައުލޫމާތު ލިބިފައިވާގޮތުގައި ދަރުމަވަންތަ ހޮސްޕިޓަލުގައި ފަރުވާ ހޯދަމުން ދަނިކޮށް ނިޔާވެފައިވަނީ އުމުރުން 77 އަހަރުގެ ދިވެހި އަންހެނެކެވެ. މިއާއެކު މި ވައިރަހުގައި ރާއްޖެއިން މަރުވި މީހުންގެ އަދަދު މިވަނީ 11 އަށް އަރާފައެވެ.
ކޯވިޑް-19ގައި ރާއްޖެއިން މަރުވެފައިވަނީ ހަތް ދިވެހިންނާއި ހަތަރު ބިދެސީއެކެވެ.
ކޯވިޑް-19 އަށް ރާއްޖެއިން މިހާތަނަށް 2435 މީހަކު ޕޮޒިޓިވް ވެފައިވާއިރ 2030 މީހަކު ވަނީ ރަނގަޅުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް