އަވަހަށް ހުކުރަށް ދާންވީ ކީއްވެކަން އެނގޭތަ

ސަލާމާއި ޞަލަވާތް ލެއްވި ކައު އިތުރު މާތް ނަބިއްޔާ ޞައްލަﷲ ޢަލައިހި ވަސައްލަމަ ޙަދީޘް ކުރައްވާފައި ވެއެވެ.

إِذَا كَانَ يَوْمُ الجُمُعَةِ وَقَفَتِ المَلاَئِكَةُ عَلَى بَابِ المَسْجِدِ يَكْتُبُونَ الأَوَّلَ فَالأَوَّلَ ، وَمَثَلُ المُهَجِّرِ كَمَثَلِ الَّذِي يُهْدِي بَدَنَةً ، ثُمَّ كَالَّذِي يُهْدِي بَقَرَةً ، ثُمَّ كَبْشًا ، ثُمَّ دَجَاجَةً ، ثُمَّ بَيْضَةً ، فَإِذَا خَرَجَ الإِمَامُ طَوَوْا صُحُفَهُمْ ، وَيَسْتَمِعُونَ الذِّكْرَ

މާނައީ “ ހުކުރު ދުވަހު މަލާއިކަތުން މިސްކިތުގެ ދޮރުމަތީ ތިއްބަވާނެއެވެ. އަދު ހުކުރަށް އަންނަ މީހުން އެމީހުން އަންނަ ތަރުތީބުން ލިޔުއްވަވާނެއެވެ. ހުކުރަށް ކުރިން އަންނަ މީހާ ( އެބަހީ ފުރަތަމަ ސާޢަތުގައި އަންނަ މީހާ ) މާތް ﷲ އަށްޓަކައި ޖަމަލެއް ޤުރުބާންކުރިފަދައެވެ. ދެން އަންނަ މީހާ ( އެބަހީ ދެވަނަ ސާޢަތުގައި އަންނަ މީހާ ) މާތް ﷲ އަށްޓަކައި ގެރިއެއް ޤުރުބާންކުރިފަދައެވެ. ދެން އަންނަ މީހާ ( އެބަހީ ތިންވަނަ ސާޢަތުގައި އަންނަ މީހާ ) މާތް ﷲ އަށްޓަކައި ބަކަރިއެއް ޤުރުބާންކުރިފަދައެވެ. ދެން އަންނަ މީހާ ( އެބަހީ ހަތަރުވަނަ ސާޢަތުގައި އަންނަ މީހާ ) މާތް ﷲ އަށްޓަކައި ކުކުޅެއް ޤުރުބާން ކުރި ފަދައެވެ. ދެން އަންނަ މީހާ ( އެބަހީ ފަސްވަނަ ސާޢަތުގައި އަންނަ މީހާ ) މާތް ﷲ އަށްޓަކައި ކުކުޅު ބިހެއް ޞަދަޤާތްކުރި ފަދައެވެ. ފަހެ އިމާމު މީހާ މިންބަރަށް އަރާވަޑައިގަތުމުން ( މަލާއިކަތް ބޭކަލުން ) އެބޭކަލުންގެ ފަތްތައް ލައްޕަވާލައްވައި ޚުތުބާ އަޑުއެއްސެވުމަށް ތިއްބަވާނެއެވެ."