މިއަހަރުގެ ގައުމީ ޤުރުއާން މުބާރާތް ނުބާއްވަން ނިންމައިފި އެވެ.
ކީރިތި ޤުރުއާނާއި ބެހޭ މަރުކަޒުން ކޮންމެ އަހަރަކު ބާއްވަމުން އަންނަ މުބާރާތް ނުބާއްވާގޮތަށް ނިންމީ ކޯވިޑް-19 އާއި ގުޅިގެންނެވެ.
ގައުމީ ޤުރުއާން މުބާރާތަކީ ރާޢްޖޭގެ ގިނަ އަދަދެއްގެ ސްކޫލްތަކާއި ޤުރުއާން ކްލާސްތަކާއި އަމިއްލަ ފަރާތްތަކުން ބައިވެރިވެގެން ބާއްވާ ބޮޑު މުބާރާތެކެވެ. ކޯވިޑް-19 އާއި ގުޅިގެން އެޗްޕީއޭއިން ވަނީ ގިނަ ބަޔަކު ބައިވެރިވެގެން ބާއްވާ އެއްވެސް ހަރަކާތެއް ނުބޭއްވުމަށް އަންގާފައި އެވެ.
ކޮންމެ އަހަރަކު މުބާރާތް ބާއްވަނީ މާލޭގައި އެވެ. ކޯވިޑް-19 އާއި ގުޅިގެން މުބާރާތް ނުބާއްވާ ގޮތަށް ނިންމި އިރު މާލޭގައި ހަލުވިކަމާއި ދަނީ ކޯވިޑް-19 ފެތުރެމުންނެވެ.
މިދިޔަ އަހަރު ކުރިއަށް ގެންދިޔަ 33 ވަނަ ގައުމީ ޤުރުއާން މުބާރާތުގައި 1،273 ދަރިވަރުން ވަނީ ބައިވެރިވެފައެވެ. މިދިޔަ އަހަރުގެ ގުރުއާން މުބާރާތަކީ މިހާތަނަށް އެންމެ ގިނަ ދަރިވަރުން ބައިވެރިވެފައިވާ އަހަރެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް