އޮކްސްފޯޑް ނުވަތަ އެސްޓްރަޒެނިކާ ވެކްސިންގެ އެންމެ ޑޯޒަކުންވެސް ކޯވިޑް ބަލި ފެތުރުން 67 އިންސައްތައަށް ދަށަށް ދާ ކަމުގައި އެންމެ ފަހުގެ ވެކްސިން ދިރާސާތަކުން ދައްކައިފިއެވެ.
އެގޮތުން ފުރަތަމަ ޝޮޓް ޖަހާތާ 3 ހަފުތާގެ ފަހުން 90 ދުވަސް ވަންދެން, އެވަރެޖް ގޮތެއްގައި 76 އިންސައްތައަށް ބަލިން ރައްކާތެރިކަން ކަށަވަރު ވުމާއެކު, 67 އިންސައްތައަށް ބަލި ފެތުރުން މަދުކޮށްދޭ ކަމުގައި ޔޫކޭގެ މި ދިރާސާތަކުން ވަނީ ދައްކާފައެވެ.
ކޯވިޑް ވެކްސިނުގެ 2 ޑޯޒު ޖަހަން ޖެހޭއިރުގައި 2 ވަނަ ޑޯޒު ޖެހުން ލަސްކޮށްލުން ރަނގަޅު ކަމުގައިވެސް ޖޮއިންޓް ކޮމިޓީ އޮފް ވެކްސިނޭޝަން އެންޑް އިމިޔުނިޒޭޝަން (ޖޭ.ސީ.ވީ.އައި) އިން ވަނީ ނިމުނު އަހަރުގެ ޑިސެމްބަރ މަހުގައި ލަފާދީފައެވެ.
އެގޮތުން ޔޫކޭ, ބްރެޒިލް އަދި ސައުތް އެފްރިކާގައި ނިމުނު އަހަރުގެ ޑިސެމްބަރ މަހުގެ 7 ށް, ކޯވިޑް ގެ ވެކްސިނާ ގުޅޭގޮތުން ހެދުނު ރިސާޗް ތަކުންވެސް ދެވަނަ ޑޯޒު ލަސްކުރުމުން ލިބޭ ފައިދާ ގިނަވާނެ ކަމުގައި ވަނީ ލަފާދީފައެވެ. އެގޮތުން 2 ވަނަ ޑޯޒު 3 މަހަށް ލަސްކޮށްލުމުން ފުރަތަމަ ޑޯޒުން ލިބޭ ކޯވިޑް ބަލިން ރައްކާތެރިވުމުގެ އިންސައްތަ 67 އިންސައްތައިން 82 އިންސައްތައަށް އިރުވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް