މޯލްޑިވްސް އެޓް ސަނީ ސައިޑް މިޔުޒިކް ފެސްޓިވަލް ރައީސުލްޖުމްހޫރިއްޔާ އަބްދުﷲ ޔާމީން ފައްޓަވައިދެއްވައިފި އެވެ.
ކާނިވާ ސަރަހައްދުގައި ކުރިޔަށްދާ މި ފެސްޓިވަލް ރައީސް ރަސްމީކޮށް ވައްޓަވައި ދެއްވީ ހިލާލީގޭގައި ހުންނަވައިގެންނެވެ. އޭގެ ފަހުން މިރޭ ރައީސް ޔާމީން ވަނީ ކާނިވާ ސަރަހައްދަށް ވަޑައިގެން އެ ފެސްޓިވަލް ބައްލަވާލައްވާފައި އެވެ.
ޓޫރިޒަމް މިނިސްޓްރީން އިސްނަގައިގެން ކޮންމެ އަހަރަކު އާ އަހަރާ ދިމާކޮށް ބާއްވާ މި ފެސްޓިވަލުގައި ރާއްޖެއާއި ރާއްޖެއިން ބޭރުގެ ފަންނާނުން ބައިވެރިވެ ހުށަހެޅުތައް ހުށަހަޅަ އެވެ.
މިއަހަރު ފެސްޓީވަލަށް ރާއްޖެއިން ބޭރުގެ ފަންނާނުންގެ ތެރެއިން ގެނެސްފައިވަނީ އިންޑިއާގެ މަޝްހޫރު ލަވަކިޔުންތެރިޔާ އަރްމާން މާލިކެވެ. މިރޭގެ ޝޯގައި އަރްމާން މާލިކާއި ހަބޭސް ބޮޑުބެރު ގްރޫޕާއިި ޑީޖޭ ފައުޒާން އަދި ކޮރިއެޓިކްސް ކްރޫގެ ހަރަކާތްތައް ފެނިގެންދާނެ އެވެ.
މިރެއާއި މާދަމާ ރޭ ކުރިޔަށް ގެންދާ މި ފެސްޓިވަލްގައި މަދަމާރޭ އުނޫޝާ، ލައިޝާ އަދި އިލިއުޝަންސް ޑާންސް ކްރޫ އާއި ގްރެވިޓީ ބައި ހަބޭސް އާއި 1438 ބޮޑުބެރު ގްރޫޕްގެ އިތުރުން މޫޝާން އާއި އިކުއެޓިކް ވައިބް ގެ ހަރަކާތައް ފެނިގެންދާނެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް