ކޮންސްޓްރަކްޝަން ބިޑި ގޯންޏެއް ވަގަށް ނެގި ކަމުގެ ތުހުމަތުގައި 37 އަހަރުގެ ފިރިހެނަކު ހައްޔަރުކޮށް ފަސް ދުވަހަށް ބަންދުކޮށްފިއެވެ.

މި މައްސަލައިގައި ހައްޔަރުކޮށްފައިވަނީ ހިކިހުވަދުމާގެ އަލީ ފިރުޝާނެވެ. ވައްކަމުގެ ކުށުގެ ތުހުމަތުގައި އޭނާ ބަންދުގައި ބެހެއްޓުމަށް ކޯޓުން އަމުރުކޮށްފައިވަނީ ފަސް ދުވަހުގެ މުއްދަތަށެވެ.

Advertisement

ބަންދު އަމުރުން އެނގޭ ގޮތުގައި ވަގަށް ނަގާފައިވާ ކަމަށް ބެލެވޭ ކޮންސްޓްރަކްޝަން ބިޑި ގޯންޏެއް ފިރުޝާނުގެ އަތުން ފެނިފައިވާ ކަމަށް އިންވެސްޓިގޭޓިން އޮފިސަރު ފާހަގަކޮށްފައިވެއެވެ. ނަމަވެސް ފިރުޝާން ބުނެފައިވަނީ އެ ތަކެއްޗަކީ ދެކެފަރިތަ ރައްޓެއްސެއްގެ އަތުން ގަނެފައިވާ ތަކެތި ކަމަށާއި އޭނާއަކީ ވަޒީފާގައި އުޅޭ ފަރާތެއް ކަމަށެވެ.

މި މައްސަލައިގައި ފިރުޝާނުގެ މައްޗަށް ކުރެވިފައިވާ ތުހުމަތަކީ ވައްކަމުގެ ކުށުގެ ތުހުމަތެވެ.