މާލޭގައި ފުޅާ ދާއިރާއެއްގައި ބަނގުރާ ވިއްކަމުން ދިޔަ ކަމުގެ ތުހުމަތުގައި ދެ ބިދޭސީން ހައްޔަރުކޮށްފި އެވެ.

ފުލުހުން ބުނީ އެމީހުން މި މައްސަލައިގަ ހައްޔަރުކުރީ އުމުރުން 44 އަހަރުގެ އިންޑިއާ ރައްޔިތެއް ކަމަށްވާ ޕެރުމަލް މަޔަވަން އެވެ. ދެން ހައްޔަރު ކުރީ 35 އަހަރުގެ ސްރީލަންކާ ރައްޔިތެއް ކަމަށްވާ ތުވަން ރިސްލިން ފަލީލް ކަމަށެވެ.

Advertisement

އެމީހުން ހައްޔަރު ކުރީ މިމަހުގެ އެއް ވަނަ ދުވަހު ޑްރަގް އެންފޯސްމަންޓާއި ކައުންޓަރ ނާކޮޓިކްސް އިންޓެލިޖެންސް ގުޅިގެން ހިންގި ޚާއްޞަ އޮޕަރޭޝަނެއްގައި އެވެ. އެމީހުންގެ މައްޗަށް ތުހުމަތު ކުރަނީ ޤަވާއިދާ ޚިލާފަށް ބަނގުރާ ގެންގުޅެ ވިޔަފާރިކުރުމާއި މަސްތުވާތަކެއްޗާއި ބަނގުރާ ބޭނުންކުރާ ކަމަށެވެ.

މި އޮޕަރޭޝަންގައި އެމީހުންގެ ގެ ބަލާ ފާސްކޮށް ބަނގުރާ ކަމަށް ބެލެވޭ އެއްޗެއް ހުރި 500 އެމްއެލްގެ 1677 ފުޅިއާއި ފަސް ލީޓަރުގެ 23 ފުޅީގެ އިތުރުން މަސްތުވާތަކެތި ކަމަށް ބެލެވޭ އެއްޗެއް ހުރި ދެ ރަބަރު ޕެކެޓު ފެނިފައިވެއެވެ.

މައްސަލައިގެ އިޖުރާއަތުތައް ފުރިހަމަކުރުމަށް ފަހު ދެ މީހުން ވެސް މިހާރު ވަނީ އިމިގްރޭޝަން ޤާނޫނުގެ ދަށުން ފިޔަވަޅު އެޅުމަށް މޯލްޑިވްސް އިމިގްރޭޝަނާ ހަވާލުކޮށްފައި ކަމަށް ފުލުހުން މައުލޫމާތުދެ އެވެ.