ބޮލީވުޑްގެ ފިލްމު "އުޑްތާ ތީރު" ސިނަމާތަކުގައި ރިލީޒް ކުރާ ތާރީހު އަނެއްކާވެސް ފަސްކޮށްފި އެވެ.

މި ފިލްމުގެ ލީޑްރޯލުން ފެނިގެން ދާނީ އާޔުޝްމާން ކުރާނާ އާއި ސާރާ ޢަލީ ޚާންއެވެ. މި ފިލްމު ރިލީޒް ކުރަން ފުރަތަމަ ހަމަޖެއްސީ މިދިޔަ މަހުގެ 11 ވަނަ ދުވަހު އެވެ.

Advertisement

ފިލްމުގެ ޕްރޮޑަކްޝަން ޓީމާއި ހަވާލާދީ ރިޕޯޓުތައް ބުނާގޮތުގައި އޭގެ ފަހުން އޮކްޓޯބަރު ނުވަ ވަނަ ދުވަހު ރިލީޒް ކުރަން ހަމަޖެއްސި ފިލްމު މިހާރު ރިލީޒް ކުރަން ހަމަޖެހިފައި ވަނީ އޮކްޓޯބަރު މަހުގެ 23 ވަނަ ދުވަހު އެވެ. މި ބަދަލު ގެންނަން ނިންމީ މިހާރު ސިނަމާތަކުގައި އަޅުވަމުންދާ ފިލްމުތަކުގެ ހިޔަނި "އުޑްތާ ތީރު" އަށް އެޅިދާނެތީ އެވެ.

އަޖޭ ދޭވްގަންގެ ދްރިޝްޔަމް 3 އޮކްޓޫބަރު ދޭއްގައި ރިލީޒް ކޮށް ފުރަތަމަ ދުވަހު 60 ކްރޯރް ރުޕީސް އަށް ވުރެ ބޮޑު އާމްދަނީއެއް ހޯދައިފައިވާ އިރު އޮސްކާ 2027 ގައި އިންޑިއާ ތަމްސީލުކުރާ ފިލްމު "ގޯންދާލު"ގެ ޕްރިވިއު ސްކްރީނިންގްތައް އޮކްޓޫބަރު ނުވައެއްގައި ފެށުމަށް ވަނީ ހަމަޖެހިފައެވެ. އެއާ އެކު ރާޖްކުމާރް ރާއޯގެ ޕްރަހާރު އަދި ޔާމީ ގޯތަމްގެ "ނައްޔީ ނަވޭލީ" ވެސް އޮކްޓޫބަރު 16 ގައި ރިލީޒް ކުރާ ގޮތަށް ވަނީ ރޭވިފައެވެ.

މި ފިލްމުތަކާއި ގުޅިގެން "އުޑްތާ ތީރު" ލަށް ތަރުހީބު ކުޑަވެދާނެ ކަމަށް އެ ފިލްމުގެ ޓީމުން ގަބޫލު ކުރެ އެވެ. އެހެންވެސް ތާރީހުތައް ފަސްކުރަނީ ސިނަމާތަކަށް ހަމަޖެހުމެއް ލިބޭނެ ދުވަސްކޮޅެއް ހޯދަން ކަމަށް ބުނެފައިވެ އެވެ.

އުޑްތާ ތީރާ ގުޅޭ ގޮތުން ވާހަކަ ދައްކަމުން އާޔުޝްމާން ބުނީ އެއީ އިންޑިއަން ސްޓައިލްގެ މުޅި އާއިލާ އެއްކޮށް ތިބެގެން ބަލާލަން އެކަށީގެންވާ ފިލްމެއް ކަމަށެވެ. އެ ފިލްމުގައި އަޔޫޝްމަން އަކީ ހަނދާންތައް ފޮހެވިފައި ހުންނަ ޕާކިސްތާނުގެ ޖާސޫސެއްގެ ރޯލެވެ.