ޔޫއޭއީގެ ދުބާއީން އިޒްރޭލުގެ ވެރިރަށް ތެލްއަވީވްއަށް ދަތުރު ކުރަނިކޮށް ދެ ޕައިލެޓުން މާރާމާރީ ހިންގައިގެން އިމަޖެންސީގައި ސައުދީ އަރަބިއްޔާއަށް ޖެއްސި ފްލައިޓުން ދަތުރު ކުރި މީހުން ގައުމަށް ގެންދަން އިޒްރޭލުގެ މަތިންދާ ބޯޓެއް ފޮނުވަން އުޅުމުން އެ ހުއްދަ ސައުދީން ނުދިން ކަމަށް ރިޕޯޓުތައް ބުނެފި އެވެ.

ހާދިސާ ހިނގި ގޮތުގައި ރަސްމީ ތަފްސީލް ފްލައިދުބާއީން އަދި ހާމަ ނުކުރި ނަމަވެސް ދަތުރު ކުރި މީހުންނާއި ހަވާލާދީ ރިޕޯޓުތައް ބުނާގޮތުގައި ފްލައިޓު އެމަޖެންސީގައި ޖައްސަން ޖެހުނީ ކޯ ޕައިލެޓަކަށް އިން އޮމާން މީހާ އިންޑިއާގެ ކެޕްޓަނަށް ހަމަލާދީ މާރާމާރީ ހިންގުމުން ކަމަށެވެ. ހާލަތު ކޮންޓްރޯލް ކުރީ ފަސިންޖަރުންނާއި ސްޓޭންޑް ބައިގަ ތިބި ދެ ޕައިލެޓުން ކަމަށް ވެ އެވެ.

Advertisement

މި ހާދިސާގައި ފަސިންޖަރަކަށް ގެއްލުމެއް ލިބިފައި ނުވާއިރު އެ ފްލައިޓު ޖެއްސި ސައުދީގެ ތަބޫކުގެ ޕްރިންސް ސުލްޠާން ބިން ޢަބްދުލްޢަޒީޒް އިންޓަނޭޝަނަލް އެއާޕޯޓުގައި ހުރިހާ ފަސިންޖަރުންނަށް ވަނީ ސިއްހީ އެހީތެރިކަމާއި ފުރަންދެން ތިބުމުގެ އިންތިޒާމް ހަމަޖައްސައި ދީފައި އެވެ. އެނބުރި އެމީހުން އިޒްރޭލަށް ގެންދިޔައީ ފްލައިޑުބާއީގެ އެހެން ފްލައިޓެއް ގޮސްގެންނެވެ.

ރިޕޯޓުތައް ބުނާގޮތުގައި ބައެއް ފަސިންޖަރުންވަނީ ފްލައިދުބާއީގެ އެހެން ފްލައިޓެއްގައިވެސް ދަތުރު ކުރުމަށް ދެކޮޅު ހަދާފައި އެވެ. އެގޮތަށް ޑިމާންޑު ކުރި އިރު އިޒްރޭލުން ދިޔައީ އެގައުމުގެ ރައްޔިތުން ގެންދަން ސައުދީގައި އިޒްރޭލު އަސްކަރީ މަތިންދާ ބޯޓު ޖެއްސުމުގެ ހުއްދައަށް އެދެމުންނެވެ.

ނަމަވެސް ދެ ގައުމުން ސިޔާސީ ގުޅުން ގާއިމްކޮށްފައި ނުވާތީ ސައުދީގެ ވައިގެ ސަރަހައްދު ބޭނުން ކުރުމުގެ ހުއްދަ އިޒްރޭލަށްދޭން ސައުދީން ދެކޮޅު ހެދި އެވެ. އެހެންވެ އިއްޔެ ހަވީރު އެންމެ ފަހުން އިޒްރޭލު މީހުން ގައުމަށް ދާން ޖެހުނީ ފްލައިޑުބާއީން ފޮނުވި ފްލައިޓެއްގައި އެވެ.

ސައުދީ ކަމާ ބެހޭ ފަރާތްތަކުން ވަނީ ޒަހަމްވި އިންޑިއާ ޕައިލެޓަށް ފަރުވާ ދިނުމަށް ހޮސްޕިޓަލަށް ގެންގޮސްފައި އެވެ. އަދި އޮމާންގެ ކޯޕައިލެޓް ހައްޔަރުކޮށް ތަހުގީގު ފަށާފައިވާ ކަމަށް ރިޕޯޓުަތައް ބުނެ އެވެ.

މި ހާދިސާގައި އެންމެ ބޮޑު ސުވާލު އުފެދިގެން އުޅެނީ ކުއްލިގޮތަކަށް އެއީ ޓެރަރިޒަމްގެ އަމަލެއް ކަމަށްބުނެ ކޯޕައިލެޓް މަސައްކަތް ކުރީ އިޒްރޭލު ރައްޔިތުންނާއި އެކު ބޯޓު ވައްޓާލަން ކަމަށް އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ބުނުމުންނެވެ. އަދި އެ ފްލައިޓުގެ ކޮންޓްރޯލް ނަގައި ސައުދީއަށް ފްލައިޓު ޖައްސަން އެމަޖެންސީ އެލާޓު ފޮނުވައި ފްލައިޓު ޖެއްސީ އެހީތެރިންގެ ގޮތުގައި އިތުރަށް ފްލައިޓުގައި ތިބި ޕައިލެޓެއްކަން އެނގުމުންނެވެ.

މި މައްސަލައިގަ ފްލައިޑުބާއީން ވަނީ މެދުއިރުމަތީގެ ހަމަނުޖެހުންތައް އިތުރުވެފައިވާތީ ފްލައިޓެއްގެ ދަތުރު ރޫޓު ބަދަލު ކުރަން ޖެހިދާނެ ކަމަށް ބަލައި، މިހާރު އެ ސަރަހައްދުގައި ކުރާ ދަތުރުތަކުގައި އިތުރު ޕައިލެޓަކު ފްލައިޓުތަކުގައި އިންނާނެ ބުނެފައި އެވެ.