ބޮލީވުޑްގެ މަޝްހޫރު ތަރި ރަންބީރު ކަޕޫރަށް މިއަދު 44 އަހަރު ފުރުމާ ގުޅިގެން އޭނާގެ މަންމަ ބަތަލާ ނީތޫ ކަޕޫރު ލޯބި އުފަންދުވަހުގެ މެސެޖެއް ހިއްސާކޮށްފިއެވެ.

ނީތޫ ސޯޝަލް މީޑިއާގައި ހިއްސާކުރި ޕޯސްޓުގައި ބުނެފައިވަނީ ރާނާއަށް އުފާވެރި އުފަންދުވަހުގެ ތަހުނިޔާ ކިޔާ ކަމަށާއި އެއީ ހަމައެކަނި އޭނާގެ ދަރިފުޅު ކަމަށެވެ. އަދި ރަންބީރު ލިބުމަކީ ބޮޑު ނިއުމަތެެއް ކަމަށް ބުނެފައިވެ އެވެ.

Advertisement

ރެމާ ކަޕޫރުގެ އުފަންދުވަހަކީ ވެސް ހަމަ މިއަދެވެ. ނީތޫ ހިއްސާކުރި ފޮޓޯތަކުގެ ތެރޭގައި ޢާއިލީ ޕާޓީގެ ގުރޫޕް ފޮޓޯއެއް ހިމެނޭ އިރު އެ ފޮޓޯއިން ކަރިޝްމާ ކަޕޫރާއި ޢާއިލާގެ އެހެން މެމްބަރުން ފެނެއެވެ.

ނީތޫގެ މި ޕޯސްޓާއި އެކު ބައެއް މީހުން ވަނީ އަދިވެސް ރަންބީރު މީހަކާއި އިނދެގެން އުޅޭކަން ގަބޫލު ކުރަން މަންމައަށް ދަތިވަނީ ކަމަށެވެ. އަދި ދަރިފުޅުގެ މަޝްހޫރު ކަން އެކަނި ދެކެނީ ކަމަށައި ރަންބީރުގެ އަންހެނުންނަކީ މީހަކަށް ނުވަނީ ކަމަށެވެ.

ރަންބީރުގެ ކުރިއަށް ހުރި ފިލްމުތަކަށް ބަލާ އިރު ސަންޖޭ ލީލާ ބަންސާލީ ޑައިރެކްޓުކުރާ ލަވް އެންޑް ވޯގެ ފުރަތަމަ ލުކް ޕޯސްޓަރު ދާދި ފަހުން ވަނީ ބެލުންތެރިންނާ ހަމައަށް ގެނެސްދީފައެވެ. އެ ޕޯސްޓަރުގައި ނޫ ކުލައިގެ ކާރެއްގެ ތެރޭގައި ރަންބީރު އިންނަ މަންޒަރު ފެންނަ އިރު ލެޔާ ތައްތެޅިފައިވާ އެއް އަތް ކާރުގެ ބޭރުގައި ބާއްވާފައި އޮތް ގޮތުން ބެލުންތެރިންގެ ޝައުގުވެރިކަން ދަމައިގެންދެއެވެ.

މި ފިލްމުގައި ރަންބީރާއި ވިކީ ކައުޝަލް ކުޅެނީ ގޮތް ދޫނުކުރާ ދެ އާމީ އޮފިސަރުންގެ ރޯލެވެ. އާލިއާ ބަޓްގެ ކެރެކްޓަރާ ގުޅިގެން ލޯބީގެ ތިނެސްކަން ވާހަކައެއް ފެނިގެންދާނެ ކަމަށް ބެލެވެއެވެ.