ހުޅުމާލޭގެ ބައެއް ސަރަހައްދުތަކުން ކަރަންޓު ކެންޑިއްޖެ އެވެ.

ސްޓެލްކޯއިން ބުނީ ކަރަންޓު ކެނޑިފައިވަނީ ފޭސް އެކެއްގެ ބައެއް ސަރަހައްދުތަކުން ކަމަށެވެ. އެ ސަރަހައްދުތަކުން ކަރަންޓު ކެނޑުނީ ދިމާވި ޓެކްނިކަލް މައްސަލަ އަކުން ކަމަށާއި އެކަން ހައްލު ކުރުމަށް މަސައްކަތް ކުރަމުންދާ ކަމަށް ބުނެފައިވެ އެވެ.

Advertisement

އެ ސަރަހައްދުތަކުން ކަރަންޓު ދިޔައީ ހަވީރު 5:20 ހާއިރު އެވެ. ސްޓެލްކޯއިން ވަނީ ހިދުމަތް މެދުކެނޑުމުން ދިމާވެދާނެ ދަތިތަކަށް މައާފަށް އެދިފައި އެވެ.

ކަރަންޓު އަލުން ލިބޭނެ ވަކި އިރެއް ހާމައެއް ނުކުރެ އެވެ.

އެ މައްސަލަ ދެނެގަނެ އަލުން ހިދުމަތް ފޯރުކޮށްދިނުމުގެ މަސައްކަތް މިހާރު ކުރަމުންދާ ކަމަށް ސްޓެލްކޯއިން ބުނެފައިވެއެވެ. ނަމަވެސް، ކަރަންޓު ކެނޑުނީ ސީދާ ކީއްވެގެން ކަމެއް ސްޓެލްކޯއިން އަދި ހާމަކޮށްފައެއް ނުވެއެވެ.