ބޮލީވުޑްގެ ތަރި ތާޕްސީ ޕަންނޫއަށް ދިރިއުޅުނުމުގައި އެޅުނު އެންމެ ރަނގަޅު ފިޔަވަޅަކީ ކޮބައިކަން ބުނެދީފި އެވެ.

ޒާތީ ދިރިއުޅުން ވަރަށް ބޮޑަށް ސިއްރު ކޮށްގެން އުޅޭ ތާޕްސީ އަމިއްލަ ދިރިއުޅުމާއި ގުޅޭގޮތުން ވާހަކަ ދައްކަނީ ވަރަށް މަދުންނެވެ. ނަމަވެސް މި ފަހަރު އޭނާ ވަނީ ކައިވެންޏާއި ދިރިއުޅުމުގެ ބައެއް ވާހަކަތައް ޔޫޓިއުބް މެދުވެރިކޮށް ހާމަކޮށްފައި އެވެ.

Advertisement

އޭނާ ބުނީ ޑެންމާކުގެ ކުރީގެ ބެޑްމިންޓަން ކުޅުންތެރިޔާ އަދި ކޯޗު މެތިއަސް ބޯއާ ކައިވެނިކުރެވުމަކީ ދިރިއުޅުމުގައި މިހާތަނަށް އެޅުނު އެންމެ ރަނގަޅު ފިޔަވަޅު ކަމަށެވެ. ދެމީހުން ކައިވެނި ކުރީ 2023 ވަނަ އަހަރުގެ ޑިސެމްބަރު މަހު އެވެ.

ތާޕްސީ ބުނީ ފިރިމީހާ ކައިވެނިކުރެވުމަކީ ހަޔާތުގެ އެންމެ ރަނގަޅު ނިންމުން ކަމަށްވާއިރެު އޭނާ ބޮލީވުޑަށް ތަެއާރަފުވި އަހަރު އޭނާއާއި ދިމާވުމަކީ އިއްތިފާގެއް ކަމަށެވެ. އޭނާ ބުނީ ކެރިއަރާއި އެކުވެސް ފިރިމީހާ އާއި ކައިވެނި ކުރަން ނިންމީ އަމިއްލައަށް ކަމަށެވެ.

ތާޕްސީ ގަބޫލު ކުރާގޮތުގައި ދެމީހެއްގެ ދެމެދުގައި ގަދަރުވެރިކަން ނެތް ނަމަ ލޯތްބެއް ނޯންނާނެ އެވެ. އޭނާ ބުނީ ގުޅުމެއްގެ ބިންގާ ގަދަރުގެ މައްޗަށް ބުނާ ނުވެއްޖެ ނަމަ އެ ގުޅުން ދެމި ނޯންނާނެ އެވެ.

އޭނާ ބުނީ ފިލްމީ ދާއިރާގައިވެސް ލޯބި ހޯދަން ބޭނުން ބައިވެރިން ފެންނަ ކަމަށެވެ. އެކަމަކު އެމީހުން ބޭނުންވަނީ ވަގުތީ އުފާ ކަމަށާއި ކައިވެނީގެ ގިނަ ދުވަހު އުޅުމަކީ ގިނަ މީހުން ބޭނުންވާ ގޮތް ނޫން ކަމަށް ބުނެފައިވެ އެވެ. އެގޮތް ތާޕްސީއަށް ކަމު ނުދާ ކަމަށް ބުންޏެވެ.

ތާޕްސީ 2013 ވަނަ އަހަރު ޑޭވިޑް ދަވަންގެ "ޗަޝްމޭ ބައްދޫރު" އިން ބޮލީވުޑަށް ތަޢާރަފުވީ ފަހުން "ޕިންކް" އާއި "ބޭބީ" ފަދަ ކާމިޔާބު ފިލްމްތައް ކުޅެ ބޮލީވުޑްގައި ވަނީ ވަރުގަދަ މަޤާމެއް ހޯދައިފައެވެ. އެންމެ ފަހުން ތާޕްސީ ފެނިގެން ގޮސްފައި ވަނީ އަނުބަވް ސިންހާ ޑައިރެކްޓު ކުރި "ކޯޓް ޑްރާމާ އައްސީ" އާއި ދެވާޝިޝް މަކީޖާ ޑައިރެކްޓު ކުރި އެކްޝަން ތުރިލާ "ގާންދާރީ" އިންނެވެ.