މޯލްޑިވިއަންގެ ވައިޑް ބޮޑީ ބޯޓުން 16 މަސް ތެރޭ 67000 ފަސިންޖަރުން އުފުލައިފި އެވެ.

ގައުމީ އެއާލައިން މޯލްޑިވިއަނުން ފުރަތަމަ ފަހަރަށް ގެނައި ވައިޑް ބޮޑީ މަތިންދާބޯޓުން ފާއިތުވި 16 މަސް ދުވަހުގެ ތެރޭގައި 67000 ފަސިންޖަރުން އުފުލާފައިވާ ކަން ހާމަކުރެއްވީ ޓޫރިޒަމް އަދި ސިވިލް އޭވިއޭޝަން މިނިސްޓަރު މުހައްމަދު އަމީނެވެ.

Advertisement

ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރަކު ކުރެއްވި ސުވާލަކަށް ޖަވާބު ދެއްވަމުން މިނިސްޓަރު ވިދާޅުވީ އެ ބޯޓުން އުފުލި ފަސިންޖަރުންގެ ތެރޭގައި 55000 ޓޫރިސްޓުންނާއި ބޯޓު ޗާޓަރުކޮށްގެން އުފުލި އުމްރާ އަދި ހައްޖުވެރިން ހިމެނޭ ކަމަށެވެ. ވައިޑް ބޮޑީ ބޯޓުގެ ޚިދުމަތް ފެށުމުން ލިބުނު އެންމެ ބޮޑު ކުރިއެރުމަކީ ގައުމުގެ ސަލާމަތާއި ރައްކާތެރިކަން ކަމަށް ވެސް އަމީން ވިދާޅުވިއެވެ.

"އެނގިވަޑައިގަންނަވާނެ ކޯވިޑްގެ ހާލަތުގައި ވެސް ރާއްޖޭގެ އެއާބަސް އޮޕަރޭޝަން އޮތީމަ ރާއްޖެއަށް ލިބިގެންދިޔަ ޒަރޫރީ ބޭސްގެނައުމަށް ފުރުސަތު" އަމީން ވިދާޅުވިއެވެ.

ދަތުރުތަކުގެ ރޫޓުތަކާ ގުޅޭ ގޮތުން ވަޒީރު ވިދާޅުވީ ޗައިނާގެ ތިން މަންޒިލާއި އޮސްޓްރޭލިއާ އަދި ސައުދީގެ އިތުރުން ޑިމާންޑާ އެއްގޮތަށް ދަތުރުކުރަން ޖެހޭ މަންޒިލްތަކަށް ދަތުރުކުރުމުގައި އެ ބޯޓު ބޭނުންކުރަމުންދާ ކަމަށެވެ.