ވޯލްޑް ކަޕާ ދިމާކޮށް ދިރާގުން ކުރިއަށް ގެންދާ "ޖެހީ ލިބުނީ" ޕްރޮމޯޝަނުން އަގުހުރި އިނާމުތައް ހޯދުމުގެ ފުރުސަތު "ޕެނަލްޓީ ޝޯޑައުން" ގޭމް މެދުވެރިކޮށް އިތުރުކޮށް އެ ފުރުސަތު ހުޅުވާލައިފިއެވެ.

މިހާރު ކުރިޔަށްދާ ވޯލްޑް ކަޕްގެ ފުޓުބޯޅަ މޫސުމާ ގުޅުވައިގެން ދިރާގުން "ޖެހީ ލިބުނީ"ގެ ނަމުގައި ހިލޭ ޑޭޓާ އާއި އަގުހުރި އިނާމުތައް ލިބޭ ޕްރޮމޯޝަނެއް ވަނީ ފަށާފައި އެވެ.

Advertisement

މި ޕްރޮމޯޝަނުގައި ބައިވެރިވުމަށް ދިރާގު އެޕްގައިވާ "ޖެހީ ލިބުނީ" ބެނާއަށް ފިއްތާލުމަށްފަހު ސަޕޯޓުކުރާ ޓީމެއް އިޚުތިޔާރުކުރުމުން ބައިވެރިވެވޭނެ ކަމަށް އެ ކުންފުނިން ބުނެފައިވެއެވެ. އިޚުތިޔާރުކުރާ ޓީމުން ޖަހާ ކޮންމެ ލަނޑަކާ އެކު 1 ޖީބީ ޑޭޓާ މުޅިން ހިލޭ ލިބިގެންދާނެއެވެ.

ހިލޭ ޑޭޓާގެ އިތުރުން ލަނޑުތަކާ އެކު ލިބޭ ޕޮއިންޓުގެ އެހީގައި ލީޑަރބޯޑުގެ އެއް ވަނަ ހާސިލުކުރާ ފަރާތަށް ޕީއެސް5 ސްލިމް 1ޓީބީ އީއޭ އެފްސީ 26 ބަންޑްލް އަދި ސެމްސަން އޮޑިސީ ޖީ5 27 އިންޗީގެ 165 ހަރޒް ކިއުއެޗްޑީ ކަރވްޑް މޮނިޓަރެއް ލިބޭނެ ކަމަށް ދިރާގުން ބުނެފައިވެއެވެ. އަދި "ޕެނަލްޓީ ޝޯޑައުން" ގޭމް ކުޅެގެން ވެސް ލީޑަރބޯޑުގައި ޕޮއިންޓް އިތުރުކުރެވޭނެއެވެ.

"ޖެހީ ލިބުނީ" އަކީ ދިރާގުން މިހާރު ކުރިއަށް ގެންދާ "ފޯރިން ގުގުމާލާ" ކެމްޕެއިންގެ ތެރެއިން ހިންގާ ޕްރޮމޯޝަނެކެވެ. އެ ކެމްޕެއިނަކީ ސަޕޯޓުކުރާ ޓީމުން ލަނޑެއް ޖެހުމުން ކުރެވޭ ފޯރީގެ އިހުސާސާ ގުޅުވައިގެން ކަސްޓަމަރުންނަށް އުފާވެރި ތަޖުރިބާތައް ގެނެސްދިނުމުގެ މަގުސަދުގައި ހިންގާ ކެމްޕެއިނެއް ކަމަށް އެ ކުންފުނިން ބުނެފައިވެއެވެ.