ފައިގެ ފަލަމަސްގަނޑަށް ލިބިފައިވާ އަނިޔާ އިން ރަނގަޅު ނުވާތީ، ވޯލްޑް ކަޕް ގްރޫޕް ސްޓޭޖުގެ ދެ ވަނަ މެޗުގައި ހެއިޓީއާ ދެކޮޅަށް ކުޅުމަށް ބްރެޒިލް ސްކޮޑާ އެކު ނޭމާ ދަތުރު ނުކުރާނެ ކަމަށް ބްރެޒިލްގެ ފުޓުބޯޅަ އެސޯސިއޭޝަނުން ބުނެފިއެވެ.

ބުރާސްފަތި ދުވަހު ނެރުނު ބަޔާނެއްގައި އެ އެސޯސިއޭޝަނުން ބުނީ، ހުކުރު ދުވަހު ފިލަޑެލްފިއާގައި ކުޅޭ މެޗަށް ސްކޮޑާ އެކު ދަތުރުކުރުމުގެ ބަދަލުގައި ނޭމާ ނިއު ޖާޒީގައި މަޑުކޮށް ރިކަވަރީގެ ފަހު މަރުޙަލާ ފުރިހަމަ ކުރާނެ ކަމަށެވެ. ބުދަ ދުވަހު ބޭއްވި ފަރިތަކުރުންތަކުގައި ވަކިން ވޯމްއަޕް ކުރުމަށް ފަހު ނޭމާ ވަނީ ސްކޮޑާ އެކު ޑްރިލްތަކުގައި ބައިވެރިވެފައެވެ. ނަމަވެސް އޭގެ ކުރިން އޭނާގެ ފަރިތަކުރުންތައް ބެލެހެއްޓީ ފިޒިއޮތެރަޕިސްޓުންނާއި ފިޓްނަސް ކޯޗުން އެތެރެ ތެރޭގައެވެ.

Advertisement

އުމުރުން 34 އަހަރުގެ ނޭމާ ފައިގެ ފަލަމަސްގަނޑަށް އަނިޔާވީ މިދިޔަ މަހު ސެންޓޮސް އިން ކޮރިޓީބާ އަތުން 3-0 އިން ބަލިވި މެޗުގައެވެ. ކުރީގެ ބާސެލޯނާ އަދި ޕެރިސް ސެންޓް ޖާމެން ފޯވާޑް ބްރެޒިލް ޤައުމީ ޓީމަށް ނުކުޅޭތާ ގާތްގަނޑަކަށް ތިން އަހަރު ވެއްޖެއެވެ.

ބްރެޒިލް ވޯލްޑް ކަޕް ކެމްޕެއިން ފެށީ މޮރޮކޯއާ އެއްވަރުވެގެންނެވެ. ހެއިޓީ ވަނީ ގްރޫޕް ފުރަތަމަ މެޗުގައި ސްކޮޓްލެންޑް އަތުން ބަލިވެފައެވެ.