ވޯލްޑް ކަޕް 2026 ގެ ގްރޫޕް އޭ ގެ ދެ ވަނަ މެޗުގައި ގުއާޑާލަހާރާގެ އެސްޓާޑިއޯ އެކްރޮންގައި ސައުތު ކޮރެއާ އިން ޗެކް ރިޕަބްލިކް 2-1 އިން ބަލިކޮށްފިއެވެ. ފަހަތުން އަރައި ހޯދި މި ކާމިޔާބީ އާ އެކު ގްރޫޕުގެ ފެށުން ސައުތު ކޮރެއާ އިން ރަނގަޅުކޮށްފިއެވެ.

ފުރަތަމަ ހާފުގައި ދެ ޓީމުން ވެސް ކުޅުނީ ވަރަށް ވާދަވެރިކޮށެވެ. ސައުތު ކޮރެއާގެ ކެޕްޓަން ސޮން ހެއުން-މިން ގެ ނުރައްކާތެރި ހަމަލާތައް ޗެކް ޑިފެންސުން ހިފެހެއްޓި ނަމަވެސް، ދެ ޓީމަށް ވެސް ގޯލެއް ނުޖެހި ފުރަތަމަ ހާފް ނިމުނީއެވެ.

Advertisement

ދެ ވަނަ ހާފުގައި ޗެކް ރިޕަބްލިކުން ލީޑް ނެގީ 59 ވަނަ މިނެޓުގައެވެ. ވްލަޑިމީރް ކައުފާލް އެއްލި ދިގު ތުރޯ-އިން އެއް ކެޕްޓަން ލަޑިސްލާވް ކެރެޒީ ބޮލުން ގޯލަށް ފޮނުވައިލީއެވެ. ނަމަވެސް ސައުތު ކޮރެއާ އިން ރައްދު ދިނީ އެންމެ އަށް މިނެޓް ފަހުންނެވެ. 67 ވަނަ މިނެޓުގައި ހުޝިޔާރު އެޓޭކިން ކުޅުމަކަށް ފަހު ހްވާން އިން-ބެއޮމް ހަމަޖެހިލާފައި ޖެހި ގޯލާ އެކު ނަތީޖާ ހަމަހަމަ ކުރީއެވެ. ހްވާން އިން-ބެއޮމް ވެގެން ދިޔައީ ވޯލްޑް ކަޕް މެޗެއްގައި ގޯލެއް ޖެހުމާ އެކު އެސިސްޓެއް ވެސް ދިން ސައުތު ކޮރެއާގެ ތިން ވަނަ ކުޅުންތެރިޔާއަށެވެ.

ކުޅިވަރުގެ މިސްރާބު އެއްކޮށް ބަދަލުކޮށްލީ 80 ވަނަ މިނެޓުގައި ބަދަލު ކުޅުންތެރިޔާ އޮ ހެއޮން-ގިޔު އެވެ. ހްވާން އިން-ބެއޮމް ގެ ކަޓްބެކް ބޯޅައެއް ސައުތު ކޮރެއާގެ ފައިދާ އަށް ބަދަލުކޮށް ނަތީޖާ 2-1 އަށް ބަދަލުކޮށްލީއެވެ. ޗެކް ރިޕަބްލިކުން ފަހު ވަގުތު ނަތީޖާ ހަމަހަމަ ކުރަން ކުރި މަސައްކަތް ސައުތު ކޮރެއާގެ ގޯލްކީޕަރު ކިމް ސެއުން-ގިޔު ގެ މޮޅު ސޭވްތަކާ އެކު ނާކާމިޔާބުވީއެވެ.

ގްރޫޕް އޭ ގެ ފެށުމުގެ ދެ މެޗުން ވެސް ނަތީޖާ ނެރުނީ މެކްސިކޯ އާއި ސައުތު ކޮރެއާ އެވެ. ދެ ޓީމަށް ވެސް ތިން ޕޮއިންޓް ލިބިފައިވާ އިރު، މެކްސިކޯ ކުރީގައި އޮތީ ގޯލުގެ ތަފާތުންނެވެ. ސައުތު ކޮރެއާ ދެން ކުޅޭނީ ޖޫން 18 ގައި ގުއާޑާލަހާރާގައި މެކްސިކޯ އާ ދެކޮޅަށެވެ.