ވޯލްޑް ކަޕް 2026 ގެ ފެށުމުގެ މެޗުގައި މެކްސިކޯ ސިޓީގެ އެސްޓާޑިއޯ އާޒްޓެކާގައި މެކްސިކޯ އިން ސައުތު އެފްރިކާ 2-0 އިން ބަލިކޮށްފިއެވެ. 

ފެނިގެންދިޔައީ ތިން ރަތް ކާޑާ އެކު ތާރީޚީ ރެކޯޑެއް ވެސް ގާއިމުވި މެޗެކެވެ.

Advertisement

80,000 އަށް ވުރެ ގިނަ ސަޕޯޓަރުން ފުރާލި އެސްޓާޑިއޯ އާޒްޓެކާގައި މެކްސިކޯ މެޗް ފެށީ ވެސް ވަރުގަދަ ހަމަލާތަކާ އެކީގައެވެ. ފުރަތަމަ ގޯލް ޖެހީ ނުވަ ވަނަ މިނެޓުގައެވެ. ސައުތު އެފްރިކާގެ ސްފެފެލޯ ސިތޮލޭ އަމިއްލަ ޕެނަލްޓީ އޭރިއާ ކައިރީ ބޯޅަ ގެއްލުމުން ފުރުސަތުގެ ބޭނުން ހިފައި ހޫލިއާން ކީނޮނެސް ބޯޅަ ގޯލަށް ފޮނުވައިލީއެވެ. featފުރަތަމަ ހާފް ނިމެން ކައިރިވެފައި ވަނިކޮށް ކީނޮނެސް ޖެހި ބޯޅައެއް ދަނޑިއަށް ވެސް އެރިއެވެ.

ދެ ވަނަ ހާފް ފެށިގެން މާ ގިނަ އިރެއް ނުވެ ސައުތު އެފްރިކާގެ ސިތޮލޭ އަށް ރަތް ކާޑެއް ދައްކައި 10 ކުޅުންތެރިންނަށް މަދުކޮށްލިއެވެ. އެއަށް ފަހު މެކްސިކޯގެ ތަޖުރިބާކާރު ފޯވާޑް ރައުލް ހިމެނޭޒް ބޮލުން ޖެހި ގޯލާ އެކު ނަތީޖާ 2-0 އަށް ބަދަލުވިއެވެ. މިއީ ހިމެނޭޒް ގެ ކެރިއަރުގެ ފުރަތަމަ ވޯލްޑް ކަޕް ގޯލެވެ.

މެޗުގެ ފަހު ބައިގައި ސައުތު އެފްރިކާގެ ތެމްބާ ޒުވާނޭ އަށް ވީއޭއާރު މެދުވެރިކޮށް ރަތް ކާޑެއް ދައްކައި ނުވަ ކުޅުންތެރިންނަށް ތިރިކޮށްލިއެވެ. އިތުރު ވަގުތުގައި މެކްސިކޯގެ ސީސާ މޮންޓެސް އަށް ވެސް ރަތް ކާޑެއް ދެއްކިއެވެ. ވޯލްޑް ކަޕެއްގެ ފެށުމުގެ މެޗެއްގައި ތިން ރަތް ކާޑް ދެއްކި މިއީ ފުރަތަމަ ފަހަރެވެ.

މިއީ 2010 ވަނަ އަހަރު ސައުތު އެފްރިކާގައި ބޭއްވި ވޯލްޑް ކަޕުގެ ފެށުމުގެ މެޗެއް ވެސް ކުޅުނު ދެ ޓީމެވެ. 16 އަހަރު ކުރިން ޖޮހެނެސްބާގުގައި ކުޅުނު އެ މެޗް ނިމުނީ 1-1 އިން އެއްވަރުވެގެންނެވެ. ނަމަވެސް މި ފަހަރު އާޒްޓެކާގެ ބޮޑު ސަޕޯޓާ އެކީ މެކްސިކޯ ފެށީ ފެށުން ރަނގަޅުކޮށެވެ. މެކްސިކޯ ދެން ކުޅޭނީ ޖޫން 18 ގައި ގުއާޑާލަހާރާގައި ސައުތު ކޮރެއާ އާ ދެކޮޅަށެވެ.