ފީފާ ވޯލްޑް ކަޕް 2026ގެ ރަސްމީ ލަވަ، ކޮލަމްބިއާގެ މަޝްހޫރު ލަވަކިޔުންތެރިޔާ ޝަކީރާ އިޢުލާން ކޮށްފިއެވެ. "ޑައި ޑައި"ގެ ނަން ދީފައިވާ މި ލަވައަކީ، ނައިޖީރިއާގެ މަޝްހޫރު ލަވަކިޔުންތެރިޔާ ބަރްނާ ބޯއީއާ ގުޅިގެން ހަދާފައިވާ ޓްރެކެކެވެ.

ވޯލްޑް ކަޕް 2010ގެ ރަސްމީ ލަވަ "ވާކާ ވާކާ (ދިސް ޓައިމް ފޯ އެފްރިކާ)" އާ އެކު ބައިނަލްއަޤުވާމީ ފެންވަރުގައި ފުޓުބޯޅަ-މިއުޒިކް އައިކޮނިކް ނަމަކަށް ޝަކީރާ ވެފައިވާއިރު، 16 އަހަރުގެ ދިގު އިންތިޒާރަކަށްފަހު ވޯލްޑް ކަޕް އޮފިޝަލް ޓްރެކަކަށް އެނބުރި އައުމުން، ފުޓުބޯޅަ ސަޕޯޓަރުންގެ ތެރޭގައި ވަނީ ބޮޑު އުފާވެރިކަމެއް އުފެދިފައެވެ.

ބުރާސްފަތި ދުވަހުގެ ރޭ ޝަކީރާގެ އިންސްޓަގްރާމް އެކައުންޓުގައި ޕޯސްޓުކުރި އެއް މިނެޓުގެ ޓީޒަރ ވީޑިއޯ، ޝޫޓު ކޮށްފައިވަނީ ބްރެޒިލްގެ ތާރީޚީ މަރަކާނާ ސްޓޭޑިއަމުގައެވެ. ވީޑިއޯ ފެށެނީ ޝަކީރާ ވޯލްޑް ކަޕް މިއުޒިކަށް އެއްޗެއް ދިން ހަތަރު ފަހަރުގެ ހަނދާން ނެރޭ، ހަތަރު ފުޓުބޯޅައެއްގެ ޝޮޓަކުންނެވެ.

ޝަކީރާ އިންސްޓަގްރާމް ޕޯސްޓުގައި ލިޔެފައިވަނީ މަރަކާނާ ސްޓޭޑިއަމުން، ގެނެސްދޭ 'ޑައި ޑައި' މި ލަވަޔަކީ ވޯލްޑް ކަޕް 2026ގެ ރަސްމީ ލަވަ ކަމަށެވެ. 

ފުރިހަމަ ލަވަ ނެރޭނީ، ވޯލްޑް ކަޕް ފެށުމުގެ ހަތަރު ހަފުތާ ކުރީން، މެއި 14 ވަނަ ދުވަހު (ބުރާސްފަތި)އެވެ.

"ޑައި" އަކީ އިޓަލީ ބަސް. މާނައަކީ "ކުރިއަށް، ކުރިއަށް" ނުވަތަ "ހިނގާ، ހިނގާ"އެވެ. ފުޓުބޯޅަ ފެނުގެ ބަހުން ޕެޝަންއާއި ހިތްވަރުދިނުމުގެ ފްރޭސެކެވެ. ލަވާގައި ޝަކީރާ ކިޔަނީ އިނގިރޭސި އާއި ސްޕެނިޝް، ދެ ބަހުންނެވެ.

ނައިޖީރިއާގެ ޒުވާން ބައިނަލްއަޤުވާމީ ތަރި ބަރްނާ ބޯއީ ކުޅޭ ދައުރަކީ، އެފްރިކަން ބީޓު (އެފްރޯބީޓު) ފިއުޝަން ކޮންޓްރިބިއުޝަން ކަމަށް ބެލެވެއެވެ.

ޝަކީރާގެ ފުޓުބޯޅައާ ގުޅޭ މިއުޒިކް ކޮންޓްރިބިއުޝަން މިއީ ހަތަރު ވަނަ ފަހަރެވެ.

2006 ވޯލްޑް ކަޕް (ޖަރުމަނު): "ހިޕްސް ޑޯންޓު ލައި" — ކްލޯޒިންގ ސެރެމޮނީ2010 ވޯލްޑް ކަޕް (ސައުތު އެފްރިކާ): "ވާކާ ވާކާ (ދިސް ޓައިމް ފޯ އެފްރިކާ)" — ރަސްމީ ލަވަ2014 ވޯލްޑް ކަޕް (ބްރެޒިލް): "ލަ ލަ ލަ" — ކްލޯޒިންގ ސެރެމޮނީ2026 ވޯލްޑް ކަޕް (އެމެރިކާ، ކެނެޑާ، މެކްސިކޯ): "ޑައި ޑައި" — ރަސްމީ ލަވަ

ތާރީޚުގައި "ވާކާ ވާކާ" ބެލެވެނީ ވޯލްޑް ކަޕް ތާރީޚުގައި އެންމެ އައިކޮނިކް ލަވައިގެ ގޮތުގައެވެ. ޔޫޓިއުބުގައި 4.3 ބިލިއަންނަށްވުރެ ގިނަ ވިއުސް ހޯދައިފައި ވާ އެ ލަވައަކީ، ޕްލެޓްފޯމުގެ ތާރީޚުގައި އެންމެ ގިނައިން ބެލި މިއުޒިކް ވީޑިއޯތަކުގެ ތެރޭގައި ހިމެނޭ ވީޑިއޯއެކެވެ. ސްޕޮޓިފައިގައި 1 ބިލިއަންނަށްވުރެ ގިނަ ސްޓްރީމާ އެކު، ވޯލްޑް ކަޕް ހުރިހާ ލަވައެއްގެ ތެރެއިން އެންމެ ގިނަ ސްޓްރީމު ހޯދި ޓްރެކްގެ ގިނިސް ވޯލްޑް ރެކޯޑު ވެސް ހޯދައިފައިވެއެވެ.

49 އަހަރުގެ ޝަކީރާ، ބޮޑުވީ ކޮލަމްބިއާގެ ބަރާންކިއްޔާ ސިޓީގައެވެ. ތާރީޚުގައި އެންމެ ކާމިޔާބު ލެޓިން މިއުޒިކް ތަރީންގެ ތެރޭގައި ހިމެނޭ ޝަކީރާ، ކެރިއަރ ތެރޭ 95 މިލިއަން އެލްބަމް ވިއްކައިފައިވެއެވެ. ތިން ގްރެމީ، 15 ލެޓިން ގްރެމީ، އަދި ފޯ ބިލްބޯޑު މިއުޒިކް އެވޯޑު ހޯދައިފައިވެއެވެ.

ވޯލްޑް ކަޕް ފެށޭނީ ޖޫން 11 ވަނަ ދުވަހު، މެކްސިކޯ ސިޓީގައި ހުންނަ އެސްޓާޑިއޯ އަޒްޓެކާގައެވެ. 48 ޓީމާ އެކު ކުޅޭ މި މުބާރާތަކީ ތާރީޚުގައި ވެސް މިހާތަނަށް ބޭއްވޭ އެންމެ ބޮޑު ވޯލްޑް ކަޕެވެ.